අයිසීසී විස්සයි20 ජාත්‍යන්තර ශූරතාවය

අයිසීසී වි20 ශ්‍රේණිගතකිරීම
පරිපාලක	ජාත්‍යන්තර ක්‍රිකට් කවුන්සිලය
ආකෘතිය	විස්සයි20
පළමු තරගාවලිය	2007
අවසාන තරගාවලිය	ඉදිරියට යන
තරගාවලි ආකෘතිය	කාල්පනික (ඉදිරියට ගෙන යන ලකුණු ක්‍රීඩා කෙරෙන සියළු තරග වෙතින් සමුච්චිතය)
කණ්ඩායම් ගණන	16
වත්මන් ශූරයා	නවසීලන්තය

අයි.සී.සී. විස්සයි20 ජාත්‍යන්තර ශූරතාවය (ඉංග්‍රීසි:ICC T20I Championship) යනු, ජාත්‍යන්තර ක්‍රිකට් කවුන්සිලය වෙතින් පවත්වනු ලබන, ජාත්‍යන්තර විස්සයි20 ක්‍රිකට් තරගාවලියකි. තරගාවලිය හුදු කාල්පනික වන්නේ, විධිමත් වි20ජා තරග න්‍යායපත්‍රය මත උඩතුරා ඇති සරල ශ්‍රේණිගතකිරීම් පරිපාටියක් වන බැවිනි. එක් එක් වි20ජා තරගයට පසුව, සම්බන්ධිත කණ්ඩායම් දෙකට ලකුණු පිරිනැමෙනුයේ ගණිතමය සූත්‍රයක් අනුවය. එක් එක් කණ්ඩායමෙහි ලකුණු, සමස්ත තරග ගණනින් බෙදෙනුයේ ශ්‍රේණිගතය ලබා දීමට වන අතර, සියළු කණ්ඩායම් වගුවක පෙළට තබනුයේ ශ්‍රේණිගතයෙහි පිළිවෙලටය.

2014 සැප්තැම්බර් 7 දින වන විට, අයිසීසී වි20ජා ශූරතාවයේ ඉදිරියෙන්ම ශ්‍රී ලංකාව පසුවූයේ 131 ක ශ්‍රේණිගතයක් සහිතවය.

ප්‍රසාද ලකුණු

වගුව සඳහා ගණනය කිරීම් පහත පරිදී සිදු කෙරෙයි:

• එක් එක් කණ්ඩායම ලකුණු ලබනුයේ ඔවුන් ක්‍රීඩා කල තරගවල ප්‍රතිඵල පරිදීය.
• එක් එක් කණ්ඩායමෙහි ශ්‍රේණිගතය සමාන වනුයේ එය රැස් කල මුළු ලකුණු ගණන, එය ක්‍රීඩා කල මුළු තරග ගණනින් බෙදීමෙනි. (මෙම ගණනය කිරීමේදී තරගමාලා ප්‍රතිඵලය නොසැලකෙයි).
• ගණනය සඳහා තරගයක් සැලකෙනුයේ අවසන් වසර තුන ඇතුළත ක්‍රීඩා කර ඇතොත් පමණි.
• වසර-තුනක සීමාව තුල පළමු වසරෙහිදී ක්‍රීඩා කල තරග සඳහා වටිනාකම තුනෙන්-පංගුවක් වෙයි; දෙවන වසර තුලදී ක්‍රීඩා කල තරග සඳහා එය තුනෙන්-දෙපංගුවක් වෙයි; අවසන් වසර තුල ක්‍රීඩා කල තරග සඳහා සම්පූර්ණ වටිනාකම හිමි වෙයි; මෑත තරග සඳහා ඉඳුරාම වැඩි භරණයක් හිමිවෙයි.
• කිසියම් තරගයකින් පසුව කණ්ඩායමක ශ්‍රේණිගතය තීරණය කරනු වස්:
  • තරග ප්‍රතිඵලය නිශ්චය කරන්න (දිනුම, පැරදුම, හෝ ජය-පරාජයෙන් තොර)
  • ලැබෙන තරග ලකුණු ගණනය කරන්න:
    • තරගය ඇරඹෙන විට, කණ්ඩායම් දෙක අතර ශ්‍රේණිගතයන් අතර පරතරය, ලකුණු 40 කට වඩා අඩු නම්:
      • විරුද්ධවාදියාගේ ශ්‍රේණිගතයට වඩා වැඩියෙන් ලකුණු 50ක් ජයග්‍රාහකයාට ලැබෙයි
      • විරුද්ධවාදියාගේ ශ්‍රේණිගතයට වඩා අඩුවෙන් ලකුණු 50ක් පරාජිතයාට ලැබෙයි
      • ජය පැරදුමෙන් තොර එක් එක් කණ්ඩායම විරුද්ධවාදියාගේ ශ්‍රේණිගතයට සමාන ලකුණු ලබයි
    • තරගය ඇරඹෙන විට, කණ්ඩායම් දෙක අතර ශ්‍රේණිගතයන් අතර පරතරය, ලකුණු 40 කට වඩා වැඩි හෝ සමාන නම් හෝ :
      • එය ප්‍රබල කණ්ඩායම නම්, ස්වීය ශ්‍රේණිගතයට වඩා වැඩියෙන් ලකුණු 10 ක් ජයග්‍රාහකයා ලබයි
      • එය දුබල කණ්ඩායම නම්, ස්වීය ශ්‍රේණිගතයට වඩා වැඩියෙන් ලකුණු 90 ක් ජයග්‍රාහකයා ලබයි
      • එය ප්‍රබල කණ්ඩායම නම්, ස්වීය ශ්‍රේණිගතයට වඩා අඩුවෙන් ලකුණු 90 ක් පරාජිතයා ලබයි
      • එය දුබල කණ්ඩායම නම්, ස්වීය ශ්‍රේණිගතයට වඩා අඩුවෙන් ලකුණු 10 ක් පරාජිතයා ලබයි
      • ජය පැරදුමෙන් තොර තරගයකදී, ප්‍රබල කණ්ඩායම ස්වීය ශ්‍රේණිගතයට වඩා අඩුවෙන් ලකුණු 40 ක් ලබයි
      • ජය පැරදුමෙන් තොර තරගයකදී, දුබල කණ්ඩායම ස්වීය ශ්‍රේණිගතයට වඩා වැඩියෙන් ලකුණු 40 ක් ලබයි
  • දැනටමත් රැස් කර ඇති ලකුණු ගණනට (පෙර තරගවලදී වගුවෙහි පෙන්වන පරිදී) රැස් කර ගත් තරග ලකුණු එක් කොට නව ශ්‍රේණිගතය නිර්ණය කරන්න. කෙසේවෙතත්, අවසන් වසර තුන පරාසයෙහි නොපවතින තරග (සහ ලකුණු) ඉවත් කල යුතු වෙයි.
• කණ්ඩායම් විසින් රැස් කෙරෙක ලකුණු, ප්‍රතිවාදියාගේ ශ්‍රේණිගතය මත පදනම් වෙන බැවින්, එය ඇරඹුනු විට කණ්ඩායම් සඳහා පාදක ශ්‍රේණිගතයන් නියම කිරීමට මෙම ක්‍රමවේදයට සිදු විය.

== ශ්‍රේණිගතය වගුව ==

අයිසීසී විස්සයි20 ශ්‍රේණිගතකිරීම
ස්ථානය	කණ්ඩායම	සහභාගී වූ තරග	ප්‍රසාද ලකුණු	ශ්‍රේණිගතය
1	පකිස්තානය	26	3,272	126
2	ඕස්ට්‍රේලියාව	19	2,345	123
3	ඉන්දියාව	29	3,547	122
4	නවසීලන්තය	25	2,940	118
5	බටහිර ඉන්දීය කොදෙව්	22	2,538	115
6	එංගලන්තය	21	2,402	114
7	දකුණු අප්‍රිකාව	21	2,309	110
8	ශ්‍රී ලංකාව	29	2,635	91
9	ඇෆ්ගනිස්තානය	27	2,385	88
10	බංග්ලාදේශය	19	1,367	72
11	ස්කොට්ලන්තය	11	737	67
12	සිම්බාබ්වේ	15	915	61
13	එක්සත් අරාබි එමීර් රාජ්‍යය	16	827	52
14	නෙදර්ලන්තය	9	441	49
15	හොංකොං	13	599	46
16	පපුවා නවගිනිය	6	235	39
17	ඕමානය	9	345	38
18	අයර්ලන්තය	15	534	36
මුලාශ්‍රය: icc-cricket.com

බාහිර සබැඳි

• අයිසීසී ටෙස්ට්, ඕඩීඅයි ඇන්ඩ් ටී20අයි චැම්පියන්ෂිප් රෑන්කිංස් සංරක්ෂණය කළ පිටපත 2012-09-24 at the Wayback Machine