කුරාම් ෂයික් ඝාතනය

කුරාම් ෂයික් ගේ ඝාතනය
2011 දෙසැම්බර් 25 දින ඝාතනයට ලක් විය
සම්පූර්ණ නම	කුරාම් ෂෙයික් සමාන්
ජාතිය	බ්‍රිතාන්‍ය
වයස	අවුරුදු 32
ඝාතනට හේතුව	ගුටිබැට හුවමාරුවකට මැදි වීම
ඝාතනට ලක්වූ ස්ථානය	තංගල්ලේ පිහිටි නිවාඩු නිකේතනයක
ඝාතනට ලක්වූ අකාරය	පහරදීමෙන්
සැකකරු(වන්)	සම්පත් විදානපතිරණ ලහිරු කැළුම් යූ. සමන් දේශප්‍රිය ප්‍රනීත් චතුරංග
ලැබුණු දඩුවම	බරපතල වැඩ ඇතිව වසර 20කට සිරදඩුවම්
තීන්දුව ලබාදුන් අධිකරණය	කොළඹ මහාධිකරණය

2011 නත්තල් දින ශ්‍රී ලංකාවේ තංගල්ල ප්‍රදේශයේ නිවාඩු නිකේතනයක් තුළ බ්‍රිතාන්‍ය ජාතික කුරාම් ෂෙයික් සමාන් ඝාතනය කර ඔහුගේ රුසියානු පෙම්වතිය සමූහ දූෂණයට ලක් විය.

පසුබිම

කුරාම් ෂෙයික් සමාන්, වයස අවුරුදු 32, ග්‍රේටර් මැන්චෙස්ටර් හි මිල්න්රෝ හි රතු කුරුස සේවකයෙකි. ඔහු පසුගිය මාස කිහිපය තුළ ගාසා තීරයේ කෘත්‍රිම පාද සවි කර ඇති අතර නත්තල් සහ අලුත් අවුරුද්ද දිවයිනේ ගත කිරීමට බලාපොරොත්තුවෙන් ඔහුගේ 23 හැවිරිදි රුසියානු පෙම්වතිය වන වික්ටෝරියා ඇලෙක්සැන්ඩ්‍රොව්නා සමඟ නිවාඩුවක් ගත කරමින් ශ්‍රී ලංකාවට පැමිණ සිටියේය. ඔවුන් නවාතැන් ගෙන සිටියේ එවකට ජනාධිපති මහින්ද රාජපක්ෂගේ දේශපාලන සගයෙකු වූ සහ ප්‍රාදේශීය සභා නායකයෙකු වූ සම්පත් චන්ද්‍ර පුෂ්ප විදානපතිරණට අයත් තංගල්ලේ පිහිටි නිවාඩු නිකේතනයකය.

සිදුවීම

නත්තල් දිනය උදාවන විට නර්තන වේදිකාවේ දෙස් විදෙස් පුද්ගලයන් 60ක් පමණ සිටියහ. මිනිසුන් පිරිසක් අතර ගුටිබැට හුවමාරුවක් ඇති වන විට ෂෙයික් සහ ඔහුගේ පෙම්වතිය එහි සිට ඇත. මිනිසකුට පහරදීමෙන් උපකාර කිරීමට ෂෙයික් මැදිහත් වූ විට සම්පත් විදානපතිරණ ප්‍රමුඛ පිරිමි හය අටක් පමණ පහර දී කුරාම් ෂෙයික් මරා දමා ඇඳුම් ඉරා සිරුරේ තැලීම් සහිතව වෙරළේ සිටි පෙම්වතියට ලිංගික අතවර කළේය. මාතර රෝහලට ඇතුළත් කළ ඇය ඉන් කරාපිටිය රෝහලට මාරුකර යවා ඇත.

නඩු විභාගය සහ වරදකරු කිරීම

සම්පත් විදානපතිරණගේ දේශපාලන සබඳතා නිසා ඇඟිලි ගැසීම් චෝදනා මධ්‍යයේ වරදකරුවන් පිළිබඳ නඩු විභාගය වසර දෙකකට වැඩි කාලයක් ප්‍රමාද විය. නමුත් එක්සත් රාජධානියේ රජයේ දැඩි රාජ්‍ය තාන්ත්‍රික පීඩනය යටතේ සම්පත් විදානපතිරණ අපරාධයෙන් වසර දෙකකට පමණ පසු 2014 ජූලි මාසයේදී තවත් පුද්ගලයන් තිදෙනෙකු සමඟ මිනීමැරුමක් නොවන සාපරාධී මිනීමැරුමක් සම්බන්ධයෙන් බරපතල වැඩ ඇතිව වසර 20කට සිරගත කරන ලදී.

හිටපු සභානායකවරයා සමඟ ෂෙයික් මහතාගේ ඝාතනය සම්බන්ධයෙන් වරදකරුවන් වූ ලහිරු කැළුම්, යූ. සමන් දේශප්‍රිය සහ ප්‍රනීත් චතුරංග යන තිදෙනාද කාන්තාවක් දූෂණය කිරීමේ චෝදනාවට වරදකරුවන් වූහ. තවත් විත්තිකරුවන් දෙදෙනෙකුට එරෙහි චෝදනා සනාත කිරීමට ප්‍රමාණවත් සාක්ෂි නොමැති බැවින් ඔවුන් නිදොස් කොට නිදහස් කිරීමට අධිකරණය නියම කළේය.

විනිසුරුගේ විශේෂ ප්‍රකාශය

තීන්දුව දීමට පෙර විශේෂ ප්‍රකාශයක් කළ විනිසුරු රෝහිනී වල්ගම, තමන් මෙම නඩු විභාගය පමා කරන බවට ඇතැම් මාධ්‍යවලින් එල්ලකළ චෝදනා මෙම තීන්දුවත් සමගම බිඳ වැටෙන බව කියා සිටියාය.

මම මාස තුනහමාරක් වැනි කෙටි කාලයක් තුල නඩුව අවසන් කළා. මේක ඉතිහාසගත ජයක් ලෙස කිව යුතුයි. මා මෙම නඩු තීන්දුව ලබා දී තිබෙන්නේ ඉදිරිපත් වූ සාක්කි පදනම් කරගෙන මාගේ හෘද සාක්ෂියට අනුවයි,

මේක දේව කාර්යයක් ලෙසයි මා සලකන්නේ. මේ නඩුව තුලින් පැමිණිලි සහ විත්ති පාර්ශවයන්ට වඩා වැඩිපුර අපහාස වින්දේ මමයි.

විත්තියේ අභියාචනය

කෙසේ නමුත් තීන්දුවට එරෙහිව අභියාචනයක් ඉදිරිපත් කිරීම සදහා ප්‍රබල නීතිමය පසුබිමක් නිර්මාණය වී තිබෙන බව විත්තියේ නීතිවේදී උදය රොහාන් ද සිල්වාද සඳහන් කළේය.

විනිසුරුවරිය විත්තිකරුවන් වරදකරුවන් කිරීමට හේතුවූ කරුණු විවෘත අධිකරණයේ ප්‍රකාශ කළේ නැහැ. දඬුවම් ලිහිල් කිරීම සදහා කරුණු දැක්වීම සඳහා විත්තියේ නීතිවේදින්ට අවස්ථාව ලබා දුන්නේ නැහැ. තීන්දුව ප්‍රකාශ කලවිනිසුරුවරිය එක්වරම විනිශ්චය ආසනයෙන් නැගිට ගියා.

නඩු තීන්දුව දැක බලා ගැනීම පිණිස විශාල පිරිසක් අධිකරණ භුමියට රැස්ව සිටි අතර පොලිස් ආරක්ෂාවද තර කොට තිබුණි.

පසු විපාක

අධිකරණ තීන්දුවට ප්‍රතිචාර දක්වමින් කොළඹ බ්‍රිතාන්‍ය මහ කොමසාරිස් කාර්යාලයේ ප්‍රකාශයක් මෙසේය:

යුක්තිය සඳහා දිගු හා දුෂ්කර අරගලයකට මුහුණ දුන් ඔහුගේ පවුලේ අයට සහ මිතුරන්ට මෙය යම් වැසීමක් ගෙන එනු ඇතැයි අපි බලාපොරොත්තු වෙමු. අපි නඩුවේ ඕනෑම වර්ධනයක් සමීපව නිරීක්ෂණය කරන්නෙමු.

මෙම සිදුවීම සහ එවැනි සිදුවීම් රැසක් විපක්ෂය විසින් උලුප්පා දැක්වූයේ අධිකරණයට දේශපාලන මැදිහත්වීමෙන් රට තුළ පැතිරී ඇති අවනීතිය ප්‍රදර්ශනය කිරීමටය.