ශිව ආගම

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න
ශිව දෙවියන් .jpg

හින්දු ආගමේ ශෛව ආගම හින්දු ආගමේ උප ලබ්ධියකි. ශිව දෙවියන් උත්තරීතර දෙවියන් ලෙස සැලකීම මෙහි විශේෂත්වයයි. හින්දු දර්ශනයේ ත්‍රිමූර්ති සංකල්පයට අනුව ප්‍රධාන දෙවිවරුන් තිදෙනෙකි.ඒ බ්‍රහ්ම, විෂ්ණු හා ශිව යන තිදෙනාය. ශිව දෙවියන් උත්තරීතරම දෙවියන් ලෙස සලකන පිරිස ශෛව ලබ්ධියකන් වන අතර, විෂ්ණු දෙවියන් උත්තරීතරම දෙවියන් ලෙස සලකන පිරිස වෛශ්ණවයින් ය.ක්‍රි.පූ.6 සියවසේ බුදුන් වහන්සේ ජීවමාන කාලයේදී මහා බ්ර්හම උත්තරීතරම දෙවියන් ලෙසසැලකූ විශාල ජනතාවක් භාරතයේ සිටී නමුත් වර්තමානයේ නම් එම පිරිස ඉතාමත් සීමිත බව පෙනේ. බ්‍රාහ්මණ ආගම ලෙස හැඳින්වූයේ බ්ර්හම ලබ්ධියකන්ය. නමුත් මහා බ්‍රහ්ම යනු උත්තරීතරම දෙවියන් නොවන බව බුදුන් වහන්සේ ප්‍රකාශ කර තිබේ.

ශිව දෙවියන්[සංස්කරණය කරන්න]

    හින්දු  ශෛව ලබ්ධියකන්ගේ  විශ්වාසයට අනුව ශිව දෙවියන් ප්‍රධානම දෙවියන් වේ. එබැවින් 'මහාදේව්' (මහ දෙවියන්) ලෙසද හඳුන්වති.මහේශ්වර්,ඊශ්වර වැනි නම් වලින්ද    

ශිව දෙවියන් හඳුන්වනු ලැබේ.ත්‍රිමූර්ති සංකල්පයට අනුව කාලානුරූපීව ලෝකය විනාශ කරන්නේ ශිව දෙවියන් ය.ශිවගෙන් අදහස් කරනුයේ ස්වභාවධර්මය ය.මොහුගේ විමානය පිහිටා ඇත්තේ කෛලාශ කූඨ නම් පර්වතයේ යැයි සඳහන්ය. මොහුගේ පතිනිය නම් කාලි, දුර්ගා,ගෞරි මාතා ආදී නම් රාශියකින් හඳුන්වන පාර්වතී දේවියයි. නන්දි නම් වෘෂභයා ශිවගේ රථයයි. ත්‍රිශූලය ආයුධය වේ. කොටි හමක් වස්ත්‍රය ලෙස හැඳ, ගෙලෙහි නාගයන් දවටාගෙන,ජපමාල දමාගෙන ,බෙරයක් රැගෙන සිටින ශිව කෛලාශ කූඨයෙහි භාවනානුයෝගීව සිටියි. ඔහුගේ බැඳී කොණ්ඩය මුදුනින් ගංගා නදිය ඇරඹෙන බව හින්දු විශ්වාසයයි. ඒ පිලිබඳ රසවත් කතාවක්ද ඇත. ඔහුගේ නළලෙහි තෙවෙනි ඇසක් පිහිටා ඇති අතර එයින් යමෙකු දෙස බැලුවහොත් ඔහු දැවී අලු වී යන බව කියැවේ. එක් කතාවකට අනුව වරක් ඔහුගේ දිගු භාවනාවට බාධා කළ අනංගයා හෙවත් කාමදේව දවා අලු කර දැමූයේ මෙම තෙවෙනි ඇසෙනි. අනංග හෙවත් ශරීරයක් නැති අයෙකු බවට පත්වූයේ මෙසේ දැවී ගිය නිසාය. නමුත් ශිව සාමාන්‍යයෙන් මෙම ඇසෙන් කිසිවකු දෙස නොබලයි.ඔහුගේ බඳින ලද කොණ්ඩයේ අඩ සඳ පැළඳ සිටී.

ශෛව ලබ්ධියේ පැතිරීම[සංස්කරණය කරන්න]

 අවුරුදු 6000කට වඩා පැරණි හින්දු දර්ශනයට ශිව දෙවියන් ඇතුළු වූයේ කවදාදැයි නිශ්චිතවම කිව නොහැකි වුවත් දක්ෂිණ භාරතයේ ශිව බොහෝ ජනප්‍රිය වූ බව පෙනේ. මහාභාරත 

කතාවේද කුරුක්ෂේත්‍ර යුද්ධය ඇරැඹිමට ප්‍රථම කෞරවයින් සහ පාණ්ඩවයින් ශිව දෙවියන්හට පූජා පවත්වා ආශිර්වාදය ළබා ගත් බව කියැවේ. රාමායණයේද ලංකේශ්වර රාවණ රජු ශිව දෙවියන් නිතර වන්දනා කරමින් ඔහුගේ ආශිර්වාදය පැතූ බව සඳහන්‍ය. බොහෝ සෙයින් මෙම දෙවියාගේ පිහිට පතන්නේ අයහපත් කිර්‍යාවන් කරන පුද්ගලයන් බව බොහෝ හින්දු කතා විමසා බැලූ විට පෙනී යයි. බොහෝ විට ශිව දෙවියන්හට පූජා පවත්වන්නේ ලිංග පූජාවක් ලෙසය. පාෂාණයකින් සෑදූ එය විශේෂ පූජා දින වලදී කිරි වලින් නෑවීම ආදී චාරිත්‍ර හින්දූන් අතර පවතී.සාමාන්‍යයෙන් විෂ්ණු හා මහාබ්ර්හම යන දෙවිවරුන්ට වඩා ශිව දෙවියන් අදහන ලබ්ධිකයන් සංඛ්‍යාව ඉහල අගයක් ගනී. ශිව භක්තිකයන් ශිව දෙවියන් නමදිනු ලබන්නේ " ඕම් නමඃ ශිවාය ...." යන මන්ත්‍ර පාඨය උසුරුවමිනි.

ශිව ලිංගයක්.gif

ලංකාවේ ශිව ඇදහීම[සංස්කරණය කරන්න]

      ලංකාවට ශිව ඇදහීම පැමිණියේ දකුණු ඉන්දියානු චෝල ආක්‍රමණ සමඟය. පොළොන්නරු යුගයේ ශිව වන්දනය ජනප්‍රියව පැවති බවට එහි ගලින් තැනූ ඓතිහාසික ශිව දේවාල දෙක සාක්ෂි දරයි. සීතාවක රාජසිංහ රජතුමාද ප්‍රබල ශිව භක්තිකයෙකු බව සඳහන්ය. වර්තමානයේ ශිව වන්දනය සිංහලයන් සිදුකරන බවක් නොපෙනේ.ලාංකීය දෙමළ ජනතාව අතර නම් ශිව වන්දනාව පවතී.
"https://si.wikipedia.org/w/index.php?title=ශිව_ආගම&oldid=365324" වෙතින් සම්ප්‍රවේශනය කෙරිණි