මිතාලි රාජ්

මිතාලි රාජ්

මිතාලි රාජ් 2012 වසරෙහිදී පිතිකරණයෙහි යෙදෙමින්
පුද්ගලික තොරතුරු
සම්පූර්ණ නම	මිතාලි ඩොරයි රාජ්
උපත	3 දෙසැම්බර් 1982 (1982-12-03) ජෝද්පූර්, රාජස්තානය, ඉන්දියාව
පිතිකරන විලාසය	දකුණතින් පිත්ත හසුරුවන
පන්දුයැවීම් විලාසය	දකුණතින් පා බිඳුම් පන්දු
භූමිකාව	තුන් ඉරියව්
ජාත්‍යන්තර තොරතුරු
ජාතික කණ්ඩායම	ඉන්දියාව
ටෙස්ට් මංගලාවතරණය (cap 55)	14 ජනවාරි 2002 පමණ එරෙහි එංගලන්ත කාන්තා
අවසන් ටෙස්ට් තරගය	16 නොවැම්බර් 2014 එරෙහි දකුණු අප්‍රිකානු කාන්තා
එදිජා මංගලාවතරණය(තොප්පිය 56)	26 ජූනි 1999 එරෙහි අයර්ලන්ත කාන්තා
අවසන් එදිජා	17 පෙබරවාරි 2016 එරෙහි ශ්‍රී ලංකා කාන්තා
එදිජා කමිස අංකය.	3
වි20ජා මංගලාවතරණය(තොප්පිය 9)	5 අගෝස්තු 2006 එරෙහි එංගලන්ත කාන්තා
අවසන් වි20ජා	19 මාර්තු 2016 එරෙහි පකිස්තාන කාන්තා
දේශීය කණ්ඩායම් තොරතුරු
වසර	කණ්ඩායම
2006–වර්තමානය	දුම්රිය සේවා
වෘත්තියමය සංඛ්‍යාන
කරගාවලි ටෙස්ට් එදිජා වි20ජා තරග 10 163 52 රැස් කල ලකුණු 663 5,301 1,356 ලකුණු රැස් කිරීමේ සාමාන්‍යය 51.00 49.54 35.68 100ඒවා/50ඒවා 1/4 5/40 0/7 වැඩිම ලකුණු 214 114* 67 යැවුනු පන්දු 72 171 6 කඩුළු 0 8 – පන්දු යැවීමේ සාමාන්‍යය – 11.37 – ඉනිමකදී කඩුළු පහක් – – තරගයකදී කඩුළු 10 ක් – n/a අ/නැ හොඳම පන්දු යැවීම – 3/4 – පන්දු ඇල්ලීම්/ස්ටම්ප්කිරීම් 11/– 39/– 11/–
මූලාශ්‍රය: ඊඑස්පීඑන් ක්‍රික්ඉන්ෆෝ, 17 February 2016

මිතාලි රාජ් යනු ඉන්දියානු කාන්තා ක්‍රිකට් කණ්ඩායමෙහි නායිකාව වෙයි.

මුල් දිවිය සහ පසුබිම

1982 දෙසැම්බර් 3 දිනදී මිතාලි රාජ් උපන්නේ, රාජස්තානයෙහි, ජෝද්පූර්හී දෙමළ පවුලකට දාවය. මිතාලිගේ මවු බස දෙමළ වන අතර, ඇයගේ පියා, ඩොරයි රාජ්, ඉන්දියානු ගුවන් හමුදාවෙහි නිලධාරියෙක් වූ අතර ඇයගේ මව නමින් ලීලා රාජ් විය. වයස අවුරුදු 10 ක් වත්ම ක්‍රීඩාවෙහි නියැලීම ඇරඹූ මිතාලි, වයස වසර 17 ක් වක්ම ඉන්දියානු කණ්ඩායමට තෝරා ගනු ලැබුවාය. ඇයගේ එදිජා මංගලාවතරණ, 1999 වසරෙහිදී මිල්ටන් කේන්ස් හිදී අයර්ලන්තයට එරෙහිව සිදු විය. ඇය ජීවත් වන්නේ හයිද්‍රබාදයෙහි, තෙලන්ගනහීය. ඇයගේ පාසැල් සමයෙහිදී හයිද්‍රබාදයෙහි, ශාන්ත ජෝන්ස් පාසැලෙහි ක්‍රිකට් පුහුණුව සඳහා ඇය සහභාගි වූයේ ඇයගේ වැඩිමහළු සෙහොයුරා සමගය. මිතාලි, සිකැන්ද්‍රබාද් හී, කීස් කාන්තා උසස් පාසැලෙහි ක්‍රීඩා පුහුණුවෙහි යෙදුණු අතර, බොහෝ විට පුහුණු පරිශ්‍රයෙහි පිරිමි ක්‍රිකට් ක්‍රීඩකයින් හා තරග වැදුණි. ඇය වසර අටක් පුරාවට සම්භාව්‍ය නැටුම් පුහුණු වූ අතර ඇයගේ ක්‍රිකට් අභිවෘත්තිය නොනැවති කරගෙන යෑම සඳහා නැටුම් වෙතින් ඉවත් විය.

අභිවෘත්තිය

ඉන්දියාවෙහි කාන්තා ක්‍රිකට් කණ්ඩායම වෙනුවෙන්, ටෙස්ට් සහ එක් දින ජාත්‍යන්තර යන අංශ දෙකෙහිම රාජ් විසින් ක්‍රීඩා කර ඇත. ඇයගේ එක් දින ජාත්‍යන්තර මංගලාවතරණය 1999 වසරෙහිදී අයර්ලන්තයට එරෙහිව මිල්ටන් කේන්ස් හිදී සිදුවූ අතර එහිදී ඇය නොදැවී ලකුණු 114 ක් රැස් කළාය. 2001-02 කාල සීමාවෙහිදී ලක්නව් හිදී දකුණු අප්‍රිකාවට එරෙහිව ඇයගේ ටෙස්ට් මංගලාවතරණය සිදු විය. 2002 අගෝස්තු 17 දිනදී, වයස 19 වත්ම, ඇයගේ තෙවන ටෙස්ට් තරගයෙහිදී, ලෝකයෙහි ඉහළතම පුද්ගලික ටෙස්ට් ලකුණු රැස් කිරීම වූ කැරන් රෝල්ටන්ගේ ලකුණු 209* වාර්තාව ඇය විසින් බිඳ දැමුවේ නවතම ඉහළ ලකුණු සංඛ්‍යාවක් වූ ලකුණු 214 ටෝන්ටන්හි, කවුන්ටි ක්‍රීඩා පිටියෙහිදී එංගලන්තයට එරෙහිව පැවති දෙවන සහ අවසාන ටෙස්ට් තරගයෙහිදී රැස් කර ගනිමිනි. පකිස්තානයෙහි කිරන් බාලුක් විසින් මෙම වාර්තාව 2004 මාර්තු මාසයෙහිදී බිඳ දමන ලද්දේ බටහිර ඉන්දීය කොදෙව් කණ්ඩායමට එරෙහිව ලකුණු 242 රැස් කර ගනිමිනි.

2002 වසරෙහි ක්‍රික්ඉන්ෆෝ කාන්තා ලෝක කුසලාන තරගාවලියෙහිදී, ටයිෆොයිඩ් මාදිළියක් වැළඳීම නිසා මිතාලි රෝගී වු අතර ඉන්දියාවෙහි ප්‍රගතිය බරපතල ලෙසින් අවහිර විය. කෙසේවෙතත්, දකුණු අප්‍රිකාවෙහිදී ඔවුන්ගේ පළමු ලෝක කුසලාන අවසන් තරගය වෙතට 2005 වසරෙහිදී ඇය විසින් කණ්ඩායම මෙහෙයවූ නමුදු, ප්‍රතිමල්ලව ඕස්ට්‍රේලියාව ප්‍රබලත්වයෙන් වැඩි බව අවබෝධ විය. 2006 අගෝස්තුවෙහිදී, ඔවුන්ගේ පළමු ටෙස්ට් සහ තරගමාලා ජයග්‍රහණය වෙත එංගලන්තයෙහිදී ඇය විසින් කණ්ඩායම මෙහෙයවූ අතර වසර කෙළවරදී ආසියානු කුසලාන දිනා ගත්තේ - මාස 12 ක් ඇතුළත දෙවන වරට - එකදු තරගයක් හෝ පරාජය නොවෙමිනි.

බාහිර සබැඳි

• ක්‍රීඩක පැතිකඩ: මිතාලි රාජ් ඊඑස්පීන්ක්‍රික්ඉන්ෆෝ වෙතින්
• ප්‍රොෆයිල් ඔෆ් මිතාලි රාජ්
• ක්‍රිකට්ආකයිව්