දේශමාමක දිනය
එක්සත් ජනපදයේ, දේශමාමක දිනය සහ මෙහෙයයන් හා සිහිකිරීම සඳහා ජාතික දිනය (පෙරදී, 2012 සැප්තැම්බර් 10 දින වන තුරු දේශමාමක දිනය)[1] සැම වසරකදීම සැප්තැම්බර් 11 දිනදී පවත්වනු ලබන්නේ, සැප්තැම්බර් 11, 2001 ත්‍රස්තවාදී ප්‍රහාර වලින් මිය ගිය 2,977 දෙනා සිහිකිරීමට එම දිනය නියම කර ඇති නිසාය. මුලදී, මෙම දිනය හැඳින්වුනේ, 2001 සැප්තැම්බර් 11 දින ත්‍රස්තවාදී ප්‍රහාර වලින් අන්තරාපාත්‍රවූවන් වෙනුවෙන් යාච්ඤා කිරීම සහ සිහිකිරීම වෙනුවෙන් දිනය ලෙසය. නව නාමය යෝජනා වූ විට, මැසචූසට්ස් ජනපදය වෙතින් විරෝධතා එල්ලවූයේ, ඔවුන් ඒ වන විටත්, දේශමාමකයන්ගේ දිනයක් පවත්වමින් සිටි නිසාය.
එ.ජ. නියෝජිත මන්ත්‍රී මණ්ඩලය විසින් 2001 ඔක්තොම්බර් 25 දිනදී ඒකාබද්ධ යෝජනාව 71 සම්මත කරන ලද්දේ 407–0 ඡන්දයකිනි. එයින් ඉල්ලා සිටියේ, ජනාධිපතිවරයා විසින්, සැම වසරකදීම සැප්තැම්බර් 11 දින, "දේශමාමක දිනය" ලෙසින් නියම කරන ලෙසයි. ජනාධිපති ජෝර්ජ් ඩබ්. බුෂ් විසින් මෙම යෝනාව නීතියක් බවට අත්සන් තැබුවේ, 2001 දෙසැම්බර් 18 දිනදීය ( මහජන නීතිය 107-89 ලෙසින්[2]). එය සිහිකිරීමේ අභිමතානුසාරි දිනයකි. යෝජනාව විසින් නිර්මාණය කෙරුනු අධිකාරිය, 2002, සැප්තැම්බර් 4 දිනදී භාවිතා කල ජනාධිපති බුෂ් විසින් 2002, සැප්තැම්බර් 11 දින දේශමාමක දිනය ලෙසින් ප්‍රකාශයට පත් කරන ලදි.
මෙම දිනයේදී, පුද්ගලික ඇමරිකානු නිවෙස් වලදීද, ධවල මන්දිරයෙහිදීද, සියළු ස්වදේශීය හා විදේශීය එ.ජ. රජයේ ගොඩනැගිලි සහ ආයතනයන්හීද ඇමරිකානු ධජය අඩ-කුඹ කොට ලෙලවන ලෙසින්, ජනාධිපතිතුමන් විසින් ඉල්ලා සිටිනු ලැබේ. 2001, සැප්තැම්බර් 11 දිනදී ලෝක වෙළෙඳ මධ්‍යස්ථානයෙහි උතුරු කුළුණ වෙත පළමු අහස් යානය ගැටුනු වේලාව වන, පෙ.ව.8:46 (නැගෙනහිර දිවාකාල වේලාව) න් ඇරඹී, මොහොතක නිහැඬියාවක් රකින මෙන්ද ජනාධිපතිවරයා ඇමරිකානුවන්ගෙන් ඉල්ලා සිටියි. සේවා අවස්ථා සඳහා හැකියාවන් තිබේදැයි ජාතික සහ ප්‍රජා සේවය සඳහා සහයෝගීතාවය තුල සොයා බලා ස්වේච්ඡාවෙන් ඉදිරිපත් වන මෙන් ඇමරිකානුවන් උනන්දු කිරීමද ඔහු එදින සිදු කරයි.[1]
ආශ්‍රිත
[සංස්කරණය]- ^ a b ප්‍රවෘත්ති ලේකම් කාර්යාලය (සැප්තැම්බර් 10, 2012). "පේට්‍රියොට් ඩේ ඇන්ඩ් නැෂනල් ඩේ ඔෆ් සර්විස් ඇන්ඩ් රිමෙම්බ්‍රන්ස්, 2012". පුවත්පත් නිවේදනය. සැප්තැම්බර් 11, 2012 දී සම්ප්‍රවේශ කෙරිණි.
- ^ Public Law 107-89