වටදාගෙය

අනුරාධපුර කෞතුකාගාරයේ ප්‍රදර්ශනයට තබා තිබෙන ථූපාරාම වටදාගෙයහී පූර්ව ආකෘතියක්

ශ්‍රී ලංකාවේ සමහර ස්ථූපයන්හී, ස්ථූපය වටා උස මට්ටම් කිහිපයකට යෙදෙන පරිදි වක්‍රාකාරව සිටවූ ගල් කණු මත දැව වහළයක් තැනීමෙන් වටදාගෙය නිර්මාණය කොට තිබේ. ස්ථූපයේ සහ එය වැඳපුදා ගැනීමට පැමිණෙන බැතිමතුන්ගේ ආරක්ෂාව සහ රැකවරණය පිණිස එය ඉදි කොට තිබේ. ථූපඝරය, දාගෙය, චේතියඝරය, චේතිය ගෘහ හා සෑ ගෙය යන නම්වලින්ද හඳුන්වනු ලබන වටදාගෙය, මෙරට බෞද්ධ ගෘහ නිර්මාණ ශිල්පයේ තවත් එක් විශේෂිත නිර්මාණයක් සේ සැළකේ.

වර්ථමානයේ ථූපාරාමය, ලංකාරාමය, මැදිරිගිරිය, තිරියාය රාජාංගනය,මිහින්තලය අම්බස්තල, අත්තනගල්ල හා පොළොන්නරුව යන ස්ථානයන්හී වටදාගෙවල් දැකගත හැකිවේ.