තොරතුරු තාක්‍ෂණය

විකිපීඩියා, නිදහස් විශ්වකෝෂය වෙතින්
Jump to navigation Jump to search
2005 තොරතුරු හා සන්නිවේදන තාක්ෂණය

ඇමරිකානු තොරතුරු තාක්ෂණ ආයතනයේ (ITAA) අර්ථ දැක්වීමට අනුව තොරතුරු තාක්ෂණය (17) යනු “පරිගණක මත පදනම් වූ තොරතුරු පද්ධති, විශේෂයෙන්, මෘදුකාංග හා පරිගණක දෘඩාංග පිළිබද අධ්‍යයනය, සැලසුම් කිරීම, දියුණු කිරීම , ගොඩ නැංවීමට , උදව් කිරීම හා කළමනාකරණයයි. තොරතුරු තාක්ෂණය තොරතුරු පරිවර්තනය කරන , ගබඩා කරන , ආරක්ෂා කරන , සකසන , සම්ප්‍රේෂණය කරන සහ ‍තොරතුරු ආරක්ෂිතව නැවත ලබා දෙන විද්‍යුත් පරිගණක හා පරිගණක මෘදුකාංග සමග සම්බන්ධ වේ.

වර්තමානයේ දී තොරතුරු තාක්ෂණය යන වදන පරිගණක විද්‍යාවේ හා තාක්ෂණ‍යේ අංශ බොහොමයක් අයත් වන පරිදි ප්‍රසාරණය වී ඇත. තවද අන් කවර කලකටත් වඩා ප්‍රචලිත තත්වයට පත්ව ඇත. තොරතුරු තාක්ෂණය යන්න ක්ෂේත්‍ර ගණනාවක් ආවරණය කරයි. තොරතුරු තාක්ෂණ වෘත්තිකයන් මෘදුකාංග ස්ථාපනය කිරීමේ සිට සංකීර්ණ පරිගණක ජාල හා තොරතුරු දත්ත සමුදායන් සැලසුම් කිරීම දක්වා වූ විශාල කාර්ය පරාසයක් ආවරණය කරයි. තොරතුරු තාක්ෂණය වෘත්තිකයන් ඉටු කරන කාර්යයන් අතරට දත්ත කළමනාකරණය , ජාලකරණය , ඉංජිනේරුමය පරිගණක දෘඩාංග, දත්ත සමූදායන් හා මෘදුකාංග නිර්මාණය කිරීම මෙන්ම සම්පූර්ණ පද්ධති කළමනාකරණය හා පරිපාලනය ඇතුළත් වේ. පරිගණක හා සන්නිවේදන තාක්ෂණය එකට එකතු වූ විට නිර්මාණය වන්නේ තොරතුරු තාක්ෂණය නැත්නම් “ඉන්ෆොටෙක්”ය. තොරතුරු තාක්ෂණය (IT), තොරතුරු නිෂ්පාදනයට , ක්‍රියාවෙහි යෙදවීමට, ගබඩා කිරීමට , සන්නිවේදනය කිරීමට හෝ ව්‍යාප්ත කිරීමට රුකුල් දෙන ඕනෑම තාක්ෂණයක් හැදින්වීමට යෙදෙන සමාන්‍ය වදනකි. තොරතුරු තාක්ෂණය ගැන කතා කිරීමේ දී සිතෙන්නේ එය පරිගණක හා තොරතුරුවල භාවිතය සමග බැඳී තිබෙන බවයි.

ශ්‍රී ලංකාව[සංස්කරණය]

සිඝ‍්‍රයෙන් දියුණුවෙමින් පවතින ලෝකයේ අනාගතයට මග පෙන්වනුයේ තාක්ෂණය මගිනි. තොරතුරු තාක්ෂණීක රැකියාවන් සඳහා වැඩි ඉල්ලූමක් ඒ අතරවේ. ලෝකයේ අනෙකුත් රටවල් හා සැසදීමේදී ශ්‍රී ලංකාවේ තොරතුරු තාක්ෂණය පවතින්නේ පහළ මට්ටමකිනි. ඇමරිකා එක්සත් ජනපදය වැනි සංවර්ධිත රටවල කෘතිම බුද්ධිය හා තාක්ෂණය භාවිතයෙන් වැඩ කටයුතු පහසු කර ගැනීමට පද්ධති පවා නිර්මාණය කර ඇත. ඒ හා සැසදීමේදී මේ වන විටත් ශ්‍රී ලංකාව තුළ තොරතුරු තාක්ෂණයේ කැපී පෙනෙන දියුණවක් දක්නට නැත. එනිසා තවමත් කිසිදු තාක්ෂණික දැනුමක් නොමැති පිරිස් අප රට තුළ දක්නට ලැබේ. දියුණු වන ලෝකය හා ගැටෙමින් ඉදිරියට යාමට නම් තාක්ෂණික දැනුම අත්‍යාවශ්‍ය වේ. තොරතුරු තාක්ෂණය ආශ්‍රිත රැකියා විශාල ප්‍රමාණයක් මෙරට තුලද බිහි වී ඇති අතර අද වන විට විදෙස් රටවල තාක්ෂණික ශිල්පීන් ලංකාව තුල රැකියාවන් හි නිරතව ඇති බවද නොරහසකි. කෙසේ වුවද ඉතා විශාල ප්‍රමාණයක රැකියා ක්ෂේත්‍රයකට හිමිකම් කියන මෙම විෂය සෑම පුද්ලගයෙකුම අධ්‍යයනය කිරීම අතිශය වැදගත් කරුණක් බව තහවුරු කරමි.

බාහිර සබැදී[සංස්කරණය]

"https://si.wikipedia.org/w/index.php?title=තොරතුරු_තාක්‍ෂණය&oldid=428840" වෙතින් සම්ප්‍රවේශනය කෙරිණි