ජගත් බෙනරගම
ජගත් බෙනරගම Jagath Benaragama | |
|---|---|
| උපත | බෙනරගම විදානලාගේ ජගත් චම්පික බෙනරගම ජූලි 2, 1972 |
| ජාතිකත්වය | ශ්‍රී ලාංකික |
| රැකියාව | නළුවෙක්, තිර රචකයෙක්, අධ්‍යක්ෂකවරයෙක් |
| දේශපාලන පක්ෂය | ප්‍රජාතන්ත්‍රවාදී පක්ෂය |
| කලත්‍රයා(යන්) | රේණුකා පුෂ්පකුමාරි විතාන (m. 2010) |
| දරුවන් | 1 |
| ඥාතීන් | කෝකිලානි බෙනරගම (සහෝදරිය) රවීන්ද්‍ර යසස් (මස්සිනා) කසුන් චාමර (ඇවැස්ස බෑණා) |
බෙනරගම විදානලාගේ ජගත් චම්පික බෙනරගම (උපත 1972 ජූනි 2) හෙවත් ජගත් බෙනරගම, යනු ශ්‍රී ලංකා සිනමාවේ, වේදිකාවේ සහ රූපවාහිනියේ නළුවෙකි.[1] ඔහු වඩාත් ප්‍රචලිත වන්නේ "පබා" ටෙලි නාට්‍යයේ "උක්කුවා" චරිතය සහ විචාරක පැසසුමට ලක් වූ "ප්‍රතිරූ" චිත්‍රපටයේ ප්‍රධාන ප්‍රධාන චරිතය සඳහා ය.[2][3][4]
පෞද්ගලික ජීවිතය[සංස්කරණය]
ඔහු විවාහ වී සිටින්නේ රේණුකා පුෂ්පකුමාරි විතාන සමඟ වන අතර එහිදී විවාහ උත්සවය 2010 ජූලි 3 වන දින පිළියන්දල දෙල්තාව පැරඩයිස් ඉන් හෝටලයේදී පැවැත්විණි. ඔහුගේ බිරිඳ හම්බන්තොට දිස්ත්‍රික්කයේ වන අතර ලංකා ජල මණ්ඩලයේ සේවය කළාය.[2] මෙම යුවළට එක් දියණියක් සිටී.
ජගත්ගේ සොහොයුරිය කෝකිලානි බෙනරගම විවාහ වී සිටින්නේ ජනප්‍රිය නළු රවින්ද්‍ර යසස් සමඟයි.[5] මෙම යුවළට එක් පුතෙකු සිටින අතර, කසුන් චාමර ද කීර්තිමත් නළුවෙකු සහ ගායකයෙකු වන අතර ඔහු "හපන් පැදුර" සංගීත වැඩසටහනෙන් වෘත්තීය ජීවිතය ආරම්භ කළේය.
වෘත්තීය ජීවිතය[සංස්කරණය]
බෙනරගම සිය රංගන ජීවිතය ආරම්භ කළේ ඩග්ලස් සිරිවර්ධන අධ්‍යක්ෂණය කළ වේදිකා නාට්‍යයකිනි. මේ අතරතුර ඔහු ජනාධිපති කාර්යාලයේ නිලධාරියකු ලෙසද කටයුතු කළේය. කෙසේ වෙතත්, දරුණු රිය අනතුරකින් පසු, ඔහු කාර්යාලයෙන් ඉල්ලා අස් වූ අතර, එම අවස්ථාවේ දී, වී. සිවදාසන්ගේ රූපවාහිනී කතා මාලාවක රඟපෑමට ඔහුට ආරාධනා කරනු ලැබේ.[6]
2014 දී ස්වාධීන රූපවාහිනී සේවයේ විකාශය වූ "පබසරා" රූපවාහිනී කතාමාලාවේ බෙනරගමගේ චරිතය සරත් ෆොන්සේකා ගේ පක්ෂයෙන් මැතිවරණයට තරඟ කිරීම නිසා ඔහු නාට්‍යමය වශයෙන් මරා දමා ඇත.[7] නාලිකාව රජයට අයත් එකක් නිසාත් තම මැතිවරණ පාර්ශවය ඊට විරුද්ධ නිසාත් මෙය හිතාමතා සිදුවී ඇති බව ඔහු ප්‍රකාශ කළේය.[8]
රංගනයෙන් ඔබ්බට[සංස්කරණය]
ඔහු "ඒ හීනයට අවසරයි" සහ "ලා සඳ පාමුල" යන පිටපත් දෙකක් ලියා ඇත. ඔහු සඳ නොදුටු සඳ නමින් ටෙලි නාට්‍යයක්ද අධ්‍යක්ෂණය කළේය.[2]
බෙනරගම මහතා බස්නාහිර පළාත් සභා මැතිවරණය සඳහා කොළඹ දිස්ත්‍රික්කයෙන් තරග කළේය.[9]
References[සංස්කරණය]
- ↑ "Actors in Sri Lankan cinema - Jagath Benaragama". National Film Corporation of Sri Lanka. සම්ප්‍රවේශය 1 May 2019.
- ↑ 2.0 2.1 2.2 "Gagath met after the wedding". Kala Lowa. සම්ප්‍රවේශය 1 May 2019.
- ↑ "Benaragama as Wickrama". Sarasaviya. සම්ප්‍රවේශය 17 November 2017.
- ↑ "Jagath Benaragama - ජගත් බෙනරගම". Sinhala Cinema Database. සම්ප්‍රවේශය 17 November 2017.
- ↑ "Unknown relatives of Sri Lankan artists". lifie. සම්ප්‍රවේශය 21 August 2020.
- ↑ "Chat With Jagath Benaragama". Gossip Lanka News. සම්ප්‍රවේශය 1 May 2019.
- ↑ "My character in "Pabasara" in ITN has been killed – Jagath Benaragama". VivaLanka.com. සම්ප්‍රවේශය 1 May 2019.
- ↑ "Govt. 'killed' my role - Benaragama". Srilankamirror. සම්ප්‍රවේශය 1 May 2019.
- ↑ "Jagath Benaragama on election". Daily Mirror. සම්ප්‍රවේශය 1 May 2019.