ඩිජිටල් කැමරාව
ඩිජිටල් කැමරාවක් යනු, ඩිජිටල් ආකාරයට ආලෝකයට සංවේදී උපාංගයක් ආධාරයෙන් වීඩියෝ හෝ නිශ්චල ඡායාරූප ලබා ගන්නා කැමරාවකි.
බොහෝ සංයුක්ත නිශ්චල ඩිජිටල් කැමරා භාවිතයෙන් නිශ්චල ඡායාරූප ලබා ගැනීමට අමතරව වීඩියෝ සහ ශබ්ද පටිගත කිරීම ද කළ හැක. බටහිර වෙළඳ පොළවල් තුළ ඩිජිටල් නොවන 35mm ඡායාපටල භාවිතා කරන කැමරාවලට සාපේක්ෂව ඩිජිටල් කැමරා අලෙවිය වඩාත් ඉහළ වේ.
ඩිජිටල් කැමරාවක් භාවිතයෙන් සේයා පටල කැමරා යොදා ගෙන කළ නොහැකි කාර්යයන් ගණනාවක් සිදු කළ හැක. ඒවා අතරට ඡායාරූපයක් ලබා ගත් වහාම කැමරාවේ තිරය මත පෙන්වීම, එකම කුඩා මතක උපාංගයක් තුළ ඡායාරූප දහස් ගණනක් ගබඩා කිරීමේ හැකියාව, ශබ්දය සමග වීඩියෝ පටිගත කිරීමේ හැකියාව, ඡායාරූප සංස්කරණය කිරීමේ හැකියාව සහ ඡායාරූප මකා දැමීමේ හැකියාව යනාදිය අයත් වේ. මේ අතරින් ඡායාරූප මකා දැමීම මගින් එම ඡායාරූප ගබඩා කිරීමට භාවිත කළ මතකය නැවත භාවිත කළ හැකි වේ.
රථ වාහන, ජංගම දුරකථන (මේවා කැමරා දුරකථන ලෙස හැඳින්වේ) සහ PDA උපාංග ආදී උපාංග ගණනාවක් තුළ ඩිජිටල් කැමරා අන්තර්ගත කොට ඇත. හබල් අභ්‍යවකාශ දුරේක්‍ෂය සහ අනෙකුත් තාරකා විද්‍යාත්මක උපාංග ද විශේෂිත ඩිජිටල් කැමරා ලෙස සැලකිය හැක.
ඉතිහාසය
[සංස්කරණය]ප්‍රතිබිම්බ සංවේදක
[සංස්කරණය]ඡායාරූප ගැනීමේ විධික‍්‍රම
[සංස්කරණය]
ඩිජිටල් පසුපස ඒකකයන් සහිත කැමරාවන් හඳුන්වාදුන් කාළයේ සිටම ඡායාරූප ගැනීමේ ප‍්‍රධාන විධික‍්‍රමයන් කිහිපයක්ම විය. ඒ සෑම එකක්ම පදනම්වූයේ සංවේදකය සහ/හෝ වර්ණ පෙරණයන්හි දෘඩකාංග ගුණාංගයන් මතය.
කැමරාවේ කාච හරහා පැමිනෙන ආලෝකයට සංවේදකය අනාවරනය වන වාර ගණන මත පදනම්ව සකස්වූ තනි- රූප රාමු ක‍්‍රමය පළවන විධික‍්‍රමය විය. තනි-රූප රාමු පද්ධති එක් CCD එකක් සමග බයර් පෙරනයක් හෝ ආලෝක කිරණ කදම්බය ප‍්‍රාථමික ආකලන වර්ණ තුනකට වෙන්කිරීමෙන් අනතුරුව ඒවා වෙන වෙනම රූප සංවේදකයන් තුනක් (ප‍්‍රාථමික ආකලන වර්ණ තුන සඳහා) වෙත යොමුකිරීමේ ක‍්‍රමවේදයක් යොදාගන්නා ලදී.
දෙවන ක‍්‍රමවේදය බහු රූප රාමු විධික‍්‍රමය ලෙස හැඳින්විය හැකි අතර මෙහිදී කාචයේ කාච විවරය තුන් වතාවක් හෝ ඊට වැඩි වාරගණනක් විවෘතවීම හේතුකොටගෙන සංවේදකය රූපයට කිහිප වතාවක් නිරාවරනයවීම සිදුවේ. මෙම විධික‍්‍රමය යොදාගනු ලබන ශිල්පක‍්‍රමයන් කිහිපයක්ම ඇත. වඩාත් සුලභ ශිල්පක‍්‍රමය වන්නේ තනි රූප සංවේදකයක් පෙරනයන් තුනක් (රතු, කොළ සහ නිල්) සමඟ යොදාගනිමින් එකදිගට සංවේදකය ඉදිරියෙන් ගමන් කිරීමට සැලැස්වීමෙන් ආකලන වර්ණ පිලිබඳ තොරතුරු ලබාගැනීමයි. තවත් බහු රූප රාමු ශිල්පක‍්‍රමයකදී CCD තුනක් බයර් පෙරනයක් සමඟ යොදාගනු ලබන අතර මෙහිදී කාචයේ නාභීය තලය තුල සංවේදකයේ පිහිටීම වෙනස් කිරීම මඟින් ඉහල විභේදන බලයක් සහිත රූපයක් ලබාගැනීම සිදුකෙරෙයි. තුන්වන ශිල්පක‍්‍රමය ඉහත ශිල්පක‍්‍රම දෙකේම සංයෝජනයක් වන අතර එහිදී බයර් පෙරනය යොදාගනු නොලැබේ.
මෙම තුන්වන ශිල්පක‍්‍රමය ස්කෑන් කිරීම ලෙසින් හැඳින්වේ. එයට හේතුව නාභීය තලය හරහා සංවේදකය ස්කෑනරයක සිදුවන ආකාරයට චලනයවීමයි. සමහර අවස්ථාවන්හිදී මෙම ස්කෑන් කිරීම සම්පූර්ණ කැමරාව භ‍්‍රමණය කිරීමෙන් සිදුකරනු ලබයි. මෙවැනි ඩිජිටල් භ‍්‍රමණ කැමරාවකට ඉතා ඉහල විභේදන බලයක් සහිත රූප ලබාදිය හැක.
ඉහත දක්වන ලද විධික‍්‍රමයන්ගෙන් සුදුසු එකක් තොරාගැනීම බොහෝදුරකට විෂය වස්තුව මත තීරණය වේ. චලනය වෙමින් පවතින වස්තුවක් ඡායාරූපයට නැඟීමේදී ඒ සඳහා තනි රූප රාමු කැමරාවක් හැරෙන්නට වෙනත් කිසිවක් යොදාගැනීම නොගැලපෙනු ඇත. කෙසේවෙතත් ඉහල වර්ණ නිරවද්‍යතාවය සහ විශාල ගොනු ලෙස ගබඩාකිරීම සිදුවීම හේතුවෙන් මෙන්ම පවත්නා ඉහල විභේදන බලයන් හේතුවෙන්ද ස්ථිතික වස්තූන් ඡායාරූපයට නැගීමේදී වානිජ ඡායාරූප ශිල්පීන් අතර ජනපි‍්‍රයව ඇත්තේ බහු රූප රාමු කැමරාවන්ය.
මෑතකාලීනව තනි රූප රාමු කැමරාවන්හි සිදුවූ විශාල වෙනස්කම් සහ ගොනු සැකසීමේ කි‍්‍රයාවලිය හේතුවෙන් CCD සහිත තනි රූප රාමු කැමරාවන් වානිජ ඡායාරූප ශිල්පය තුල පමණක් නොව සමස්ථයක් ලෙස ඩිජිටල් ඡායාරූප ශිල්පය තුලම ප්රබල ස්ථානයකට පත්ව ඇත. CMOS සංවේදක සහිත තනි රූප කැමරාවන්ද ප‍්‍රචලිතව ඇත.
ඩිජිටල් කැමරා ආකෘති (Format)
[සංස්කරණය]ඩිජිටල් කැමරා සඳහා බහුලව යොදා ගන්නා ආකෘති වන්නේ Joint photography experts group standard (JPEG) හා Tagged image file format (TIFF) ය.
බොහෝමයක් කැමරා (විශේෂයෙන් වෘත්තීය හෝ DSLR කැමරා) සහාය දක්වන්නේ Raw ආකෘතියටය. Raw රූපයක් යනු කැමරා සංවේදකය සෘජුවම ගත් සකසන නොලද පික්සෙල් දත්ත සමූහයකි. ඒවා ඒ ඒ නිෂ්පාදකයාට අදාල ආකෘතිවලින් ගබඩා කරනු ලැබේ. උදාහරණ ලෙස නිකෝන් සඳහා NEF,කැනොන් සඳහා CRW හෝ CR2 හා මිනෝල්ටා සඳහා MRW දැක්විය හැක. ඇඩෝබි පද්ධති මගින් කතෘභාරයෙන් නිදහස් Raw රූපාකෘතියක් වන DNG ආකෘතිය නිකුත් කර ඇති අතර එය කැමරා නිෂ්පාදකයන් කිහිප දෙනෙකු විසින් ලබා ගෙන ඇත.
Raw ගොනු විශේෂිත රූප සංස්කරණ වැඩසටහන් තුළ නිපදවිය යුතු වුවත් කාලයත් සමග ගූගල්ගේ පිකාසා වැනි බොහොමයක් මුඛ්‍යධාරා සංස්කරණ වැඩසටහන් Raw රූප සඳහා සහායන් එකතු කර ඇත. Raw ආකෘති රූප සංස්කරණය කිරීමේ දී හුදු තුල්‍යතාව, අනාවරණ අනුපූරණය, වර්ණ උෂ්ණත්වය වැනි සැකසුම්වල දී වැඩි නම්‍යතාවයක් හිමිවේ. සාරාංශයක් ලෙස Raw ආකෘති රූපයෙහි තත්ත්වය නැති නොකර රූපය සඳහා ප්රබල වෙනස්කම් සිදු කිරීමට ඡායාරූපකරුවාට ඉඩ ලබා දේ. එසේ නොවුණහොත් නැවත ඡායාරූපය ගැනීමට අවශ්‍ය විය හැක.
චිත්‍රපටි සඳහා ආකෘති වන්නේ AVI ,DV, MPEG, MOV(බොහෝ විට අඩංගු වන්නේ චලනය වන JPEG ය) , WMV හා ASF (මූලිකවම WMVට සමාන වේ) නූතන අකෘති අතරට MP4 ඇතුළත් වේ. මෙය quicktime ආකෘතියක් මත පදනම් වන අතර නව සම්පීඩන ඇල්ගොරිතම භාවිතා කරයි. එමගින් සමාන අවකාශයක් තුළ දිගු පටිගත කිරීම් කාල ලබා දේ.
පින්තූර සඳහා භාවිත නොවන නමුත් කැමරා තුළ දී භාවිතා කරන අනෙකුත් එක් ආකෘතියක් වන්නේ design rule for camera format (DFC) ය. මෙය කැමරාවෙහි අභ්‍යන්තර ගොනු ව්‍යුහය හා නාමකරණය සඳහා වූ ISO ප්‍රකාශනයකි. තවත් ආකෘතියක් වන්නේ Digital print order format (DPOF) ය. එමගින් ඡායාරූප මුද්‍රණය විය යුතු අනුපිළිවෙල හා කෙතරම් පිටපත් සංඛ්‍යාවක් මුද්‍රණය කළ යුතු ද යන්න කියා සිටී. තවත් ආකෘති වර්ගයක් වන්නේ Exchangeable Image file format (Exif) ය. එය රූප ගොනු සඳහා කැමරා සැකසුම් හා දිනය හා වේලාව ඇතුළත් කිරීම සඳහා අභි දත්ත ඇමිණුම් භාවිතා කරයි.