ඩිජිටල් කැමරාව

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න
Nikon D200 dSLR කැමරාවක් එම සමාගමේ ඡායාරූප පරිලෝකනයක් සමග මෙහි දක්වා ඇත. එමගින් ඡායාපටලවලට ලබා ගත් රූප ඩිජිටල් මාධ්‍යයට පරිවර්තනය කරනු ලැබේ.
ඩිජිටල් ඡායාරූප ගබඩා කිරීම සඳහා භාවිතා කෙරෙන CompactFlash කාඩ් පතක්

ඩිජිටල් කැමරාවක් යනු, ඩිජිටල් ආකාරයට ආලෝකයට සංවේදී උපාංගයක් ආධාරයෙන් වීඩියෝ හෝ නිශ්චල ඡායාරූප ලබා ගන්නා කැමරාවකි.

බොහෝ සංයුක්ත නිශ්චල ඩිජිටල් කැමරා භාවිතයෙන් නිශ්චල ඡායාරූප ලබා ගැනීමට අමතරව වීඩියෝ සහ ශබ්ද පටිගත කිරීම ද කළ හැක. බටහිර වෙළඳ පොළවල් තුළ ඩිජිටල් නොවන 35mm ඡායාපටල භාවිතා කරන කැමරාවලට සාපේක්ෂව ඩිජිටල් කැමරා අලෙවිය වඩාත් ඉහළ වේ.

ඩිජි‍ටල් කැමරාවක් භාවිතයෙන් සේයා පටල කැමරා යොදා ගෙන කළ නොහැකි කාර්යයන් ගණනාවක් සිදු කළ හැක. ඒවා අතරට ඡායාරූපයක් ලබා ගත් වහාම කැමරාවේ තිරය මත පෙන්වීම, එකම කුඩා මතක උපාංගයක් තුළ ඡායාරූප දහස් ගණනක් ගබඩා කිරීමේ හැකියාව, ශබ්දය සමග වී‍ඩියෝ පටිගත කිරීමේ හැකියාව, ඡායාරූප සංස්කරණය කිරීමේ හැකියාව සහ ඡායාරූප මකා දැමීමේ හැකියාව යනාදිය අයත් වේ. මේ අතරින් ඡායාරූප මකා දැමීම මගින් එම ඡායාරූප ගබඩා කිරීමට භාවිත කළ මතකය නැවත භාවිත කළ හැකි වේ.

රථ වාහන, ජංගම දුරකථන (මේවා කැමරා දුරකථන ලෙස හැඳින්වේ) සහ PDA උපාංග ආදී උපාංග ගණනාවක් තුළ ඩිජිටල් කැමරා අන්තර්ගත කොට ඇත. හබල් අභ්‍යවකාශ දුරේක්‍ෂය සහ අනෙකුත් තාරකා විද්‍යාත්මක උපාංග ද විශේෂිත ඩිජිටල් කැමරා ලෙස සැලකිය හැක.


ඩිජිටල් කැමරා ආකෘති (Format)[සංස්කරණය]

ඩිජිටල් කැමරා සඳහා බහුලව යොදා ගන්නා ආකෘති වන්නේ Joint photography experts group standard (JPEG) හා Tagged image file format (TIFF) ය.

බොහෝමයක් කැමරා (විශේෂයෙන් වෘත්තීය හෝ DSLR කැමරා) සහාය දක්වන්නේ Raw ආකෘතියටය. Raw රූපයක් යනු කැමරා සංවේදකය සෘජුවම ගත් සකසන නොලද පික්සෙල් දත්ත සමූහයකි. ඒවා ඒ ඒ නිෂ්පාදකයාට අදාල ආකෘතිවලින් ගබඩා කරනු ලැබේ. උදාහරණ ලෙස නිකෝන් සඳහා NEF,කැනොන් සඳහා CRW හෝ CR2 හා මිනෝල්ටා සඳහා MRW දැක්විය හැක. ඇඩෝබි පද්ධති මගින් කතෘභාරයෙන් නිදහස් Raw රූපාකෘතියක් වන DNG ආකෘතිය නිකුත් කර ඇති අතර එය කැමරා නිෂ්පාදකයන් කිහිප දෙනෙකු විසින් ලබා ගෙන ඇත.


Raw ගොනු විශේෂිත රූප සංස්කරණ වැඩසටහන් තුළ නිපදවිය යුතු වුවත් කාලයත් සමග ගූගල්ගේ පිකාසා වැනි බොහොමයක් මුඛ්‍යධාරා සංස්කරණ වැඩසටහන් Raw රූප සඳහා සහායන් එකතු කර ඇත. Raw ආකෘති රූප සංස්කරණය කිරීමේ දී හුදු තුල්‍යතාව, අනාවරණ අනුපූරණය, වර්ණ උෂ්ණත්වය වැනි සැකසුම්වල දී වැඩි නම්‍යතාවයක් හිමිවේ. සාරාංශයක් ලෙස Raw ආකෘති රූපයෙහි තත්ත්වය නැති නොකර රූපය සඳහා ප්‍රබල වෙනස්කම් සිදු කිරීමට ඡායාරූපකරුවාට ඉඩ ලබා දේ. එසේ නොවුණහොත් නැවත ඡායාරූපය ගැනීමට අවශ්‍ය විය හැක.

චිත්‍රපටි සඳහා ආකෘති වන්නේ AVI ,DV, MPEG, MOV(බොහෝ විට අඩංගු වන්නේ චලනය වන JPEG ය) , WMV හා ASF (මූලිකවම WMVට සමාන වේ) නූතන අකෘති අතරට MP4 ඇතුළත් වේ. මෙය quicktime ආකෘතියක් මත පදනම් වන අතර නව සම්පීඩන ඇල්ගොරිතම භාවිතා කරයි. එමගින් සමාන අවකාශයක් තුළ දිගු පටිගත කිරීම් කාල ලබා දේ.

පින්තූර සඳහා භාවිත නොවන නමුත් කැමරා තුළ දී භාවිතා කරන අනෙකුත් එක් ආකෘතියක් වන්නේ design rule for camera format (DFC) ය. මෙය කැමරාවෙහි අභ්‍යන්තර ගොනු ව්‍යුහය හා නාමකරණය සඳහා වූ ISO ප්‍රකාශනයකි. තවත් ආකෘතියක් වන්නේ Digital print order format (DPOF) ය. එමගින් ඡායාරූප මුද්‍රණය විය යුතු අනුපිළිවෙල හා කෙතරම් පිටපත් සංඛ්‍යාවක් මුද්‍රණය කළ යුතු ද යන්න කියා සිටී. තවත් ආකෘති වර්ගයක් වන්නේ Exchangeable Image file format (Exif) ය. එය රූප ගොනු සඳහා කැමරා සැකසුම් හා දිනය හා වේලාව ඇතුළත් කිරීම සඳහා අභි දත්ත ඇමිණුම් භාවිතා කරයි.

චිත්‍රපට කැමරා ඩිජිටල් කැමරා බවට පරිවර්තනය[සංස්කරණය]

ඩිජිටල් කැමරා සුලබ වෙද්දී බොහෝ කැමරාකරුවන් ඉදිරිපත් කළ ප්‍රශ්නයක් වුයේ ඔවුන්ගේ චිත්‍රපට කැමරා ඩිජිටල් කැමරා බවට පරිවර්තනය කළ හැකිද? යන්නයි. උත්තරය හැකි මෙන්ම සහ නොහැකිය යන්නයි. බහුතරයක් 35mm චිත්‍රපට කැමරා සඳහා උත්තරය නොහැකියි. මේවා නැවත සෑදීම සඳහා වියදම අධිකයි. විශේෂයෙන් කැමරාවල මෙන්ම කාච සකස් කිරීමට සිදුවන නිසා, වැඩි ප්‍රමාණයක් කැමරා ඩිජිටල් කැමරා බවට පරිවර්තනය කිරීම සඳහා ඉලෙක්ට්‍රොනික කොටස්වලට අවශ්‍ය තරම් ඉඩ සැපයිමටත්, පෙර දර්ශනයට ද්‍රව ක්‍රිස්ටල් දර්ශනයට ඉඩ දීමටත් කැමරාවේ පිටුපස කොටස ඉවත් කර එය ඩිජිටල් ඒකකයකින් ප්‍රතිස්ථාපනය කල යුතුයි.

බොහෝ පෙර නිපද වු NC2000 සහ කොඩැක් DCS මාදිලි වැනි වෘත්තීය SLR කැමරා 35mm ෆිල්ම් කැමරා බවට වැඩි දියුණු කරන ලදී. එකල පැවති තාක්ෂණය කෙසේ වෙතත් අච්චුවක් මත සවි කරන ලද පිටුපසින් වු ඩිජිටල් කොටස එහි කැමරා කොටසට වඩා සැමවිටම විශාල විය. මේවා කර්මාන්ත තුළ නිෂ්පාදිත කැමරා වේ. සැලකිය යුතු විශේෂය වුයේ EFS1 නමින් හඳුන්වන උපාංගයකි. එය සාදන ලද්දේ (1998 සිට2001 දක්වා) සිලිකන් ෆිල්ම් විසිනි. කැමරාවක් සඳහා 1.3MP විභේදනයක් සහ දර්ශන කාණ්ඩ 24 ක ධාරිතාවක් සහිතව ෆිල්ම් කැමරාවකට ඇතුලත් කිරීම සඳහා එය නිපදවන ලදී. ඒකක ආදර්ශනය කරන ලද එය 2002 දී EFS10, 10MP යක උපාංගයන් සහිතව නිපදවන ලදී.

35mm කැමරා කීපයකම නිෂ්පාදකයා විසින්ම තනන ලද ඩිජිටල් පර්යන්තයන්ගෙන්ද සමන්විත විය. උදාහරණයක් ලෙස ලෙයිකා දැක්විය හැකිය.මධ්‍යම සහ විශාල ආකෘති වල කැමරා සඳහා (ඩොලර් 10000 ක පමණ ඩිජිටල් පර්යන්ත ඇති )මුදල් ගෙවිමට හැකියාව ඇති පාරිභෝගිකයන් සීටී. මෙම කැමරාද විවිධ අවශ්‍යතා වලදී වෙනම ලබාගත හැකි කාච ආදියෙන් යුක්ත වන අතර කොටස් වෙන වෙනම සවි කිරීමේ හැකියාව ද ඊට තිබේ. මෙම පර්යන්ත වල භාවිතා වන විශාල සංවේදකවලට විශාල ප්‍රමාණයේ රූප ඇති කිරීමට පුළුවන.2006 දී පලමු අවස්ථාවේ P45 39MB නිපද වු රූපය,TIFF රූපයක් වන අතර 224.6MB ප්‍රමාණයේ වු රූප විශාලතම රූපවේ. කුඩා DSLR කොටස්වලට වඩා ස්ටුඩියො ඡායාරූපවල මධ්‍යම ප්‍රමාණයේ ඩිජිටල් ආකෘතිවලින් සමන්විත වේ.


සටහන[සංස්කරණය]

"http://si.wikipedia.org/w/index.php?title=ඩිජිටල්_කැමරාව&oldid=249602" වෙතින් සම්ප්‍රවේශනය කෙරිණි