රිසානා නෆීක්ගේ මරණ දඬුවම

රිසානා නෆීක්
උපත	රිසානා නෆීක් මුතූර්, ශ්‍රී ලංකා
මියගිය දිනය	2013 ජනවාරි 09 දවාදමී, සෞදි අරාබිය
ජාතිකත්වය	ශ්‍රී ලංකික
රැකියාව	ගෘහ සේවිකා
ප්‍රසිද්ධව ඇත්තේ	වයස 17දී ඇය අතින් සිදුවූ අත් වැරැද්දකට දඬුවමක් ලෙස ෂරියා නීතිය යටතේ ගෙල කපා මරාදැමීම

රිසානා නෆීක් යනු සෞදි අරාබියේ ගෘහ සේවිකාවක් ලෙස රැකියාවකට ගොස් වයස 17දී බිළිඳෙකු මරාදැමීමේ චෝදනාවට ෂරියා නීතිය යටතේ මරා දැමූ ශ්‍රී ලංකික තරුණියකි.

පවුල් පසුබිම

රිසානා නෆීක් මුතුර් වල වසන දුප්පත් පවුලක වැඩිමහල් දියණියයි. අයට සොයුරු සොයුරියන් තිදෙනෙක් සිටින අතර ඇගේ පියා දර කපන්නෙක් වන අතර ඔහුට ස්ථිර රැකියාවක් නොමැත.

සෞදි අරාබියේ රැකියාව

රිසානා නෆීක් 2005 වසරේ මැයි මාසයේ සෞදි අරාබියේ මෙහෙකාරියක් ලෙස රැකියාවට යන ලදී. එසේ යාමේදී එවකට වයස අවුරුදු 21 ලෙස ගමන් බලපත්‍රයේ වයස යොදා තිබුණු ඇගේ සැබෑ වයස අවුරුදු 14 ක් විය. 2007 ජුනි මාසයේ දී ඇය විසින් කුඩා දරුවකුට කිරි පෙවිමේදී ඒ දරුවා මිය ගොස් ඇත. ගෙහිමියන් ගේ චෝදනාවට අනුව ඇය මෙම දරුවාව ගෙල සිර කර මරා දම ඇති අතර , ඇගේ ප්‍රකාශයට අනුව දරුවා මිය ගොස් ඇත්තේ කිරි හිරවීමෙන්ය.