හිෆීස්ටස්

හිෆීස්ටස්
කලාකරුවන්ට, කම්මල්කරුවන්ට, වඩුවන්ට, අග්නියට, ලෝහ කර්මාන්තයට, ලෝහ උණුකිරීමට, ප්‍රතිමා කලාවට සහ ගිනිකඳුවලට අධිපති දෙවියන්
ද්වාදශ ඔලිම්පියානුවෝහි සාමාජික
හිෆීස්ටස් (වමේ) තීටිස් වෙත ඇකිලීස්ගේ සන්නාහය භාරදෙන අයුරු. බර්ලින් වාත්තු කුසලානය, ඇටික රතු-රූ සහිත කයිලික්සයකි; ක්‍රි.පූ.. 500–490 පමණ
වාසභවනය	ඔලිම්පස් කන්ද
සංකේතය	මිටිය, කිනිහිර, අඬුව
පෞද්ගලික තොරතුරු
වල්ලභයා	ඇෆ්‍රඩයිටී (දික්කසාද වූ) චාරිස්/ඇග්ලෙයා
දෙමාපියන්	සියුස් සහ හේරා, හෝ හේරා තනිව
සොයුරු/සොයුරියන්	ඒරීස්, හීබී, අයිලීතියා
දරුවන්	තැලියා, එරික්තෝනියස්, සහ කැබේරී
රොම සමානයා	වුල්කන්

හිෆීස්ටස් (එරා :/hɪˈfiːstəs/ hih-FEE-stəs, එජ :/hɪˈfɛstəs/ hih-FES-təs; අක්ෂර වින්‍යාස අටක්; පුරාතන ග්‍රීක: Ἥφαιστος, රෝමානුකෘත: Hḗphaistos) ‍යනුවෙන් හැඳින්වෙන්නේ කලාකරුවන්ට, කම්මල්කරුවන්ට, වඩුවන්ට, කර්මාන්තකරුවන්ට, අග්නියට, ලෝහ කර්මාන්තයට, ලෝහ උණුකිරීමට, ප්‍රතිමා කලාවට සහ ගිනිකඳුවලට අධිපති ග්‍රීක දෙවියායි. ග්‍රීක පුරාණෝක්තිවේදය තුළ, හිෆීස්ටස් යනු හේරා ගේ පුත්‍රයා වූ අතර, ඔහු හේරාගෙන් පමණක්ම හෝ සියුස්ට දාව හේරාට උපදින්නට ඇතැයි පැවසේ. ඔලිම්පස් කන්ද මුදුනේ දී ඔහුගේ මව වූ හේරා විසින් ඔහුව නිර්මාණය කරන්නට ඇතැයි පැවසේ; ඇතැම් වාර්තා අනුව සියුස් විසින් හේරාගේ ආරක්ෂාව සඳහා ඔහුව නිර්මාණය කළ බව සඳහන් වේ.

කම්මල්කරුවෙකු ලෙස, හිෆීස්ටස් ඔලිම්පස් හි දෙවිවරුන්ගේ සියලු ආයුධ නිර්මාණය කළේය. ඔහු දෙවිවරුන්ගේ කම්මල්කරුවෙකු ලෙස සේවය කළ අතර, ග්‍රීසියේ, විශේෂයෙන් ඇතන්ස්හි නිෂ්පාදන හා කාර්මික මධ්‍යස්ථානවල වන්දනාමාන කරන ලදී. හිෆීස්ටස් වන්දනාව ලෙම්නොස් හි පදනම් විය. හිෆීස්ටස්ගේ සංකේත වන්නේ කම්මල්කරුවෙකුගේ මිටිය, අමුණ සහ අඬු යුගලයකි. රෝමයේදී, ඔහු වල්කන් සමඟ සමාන කරන ලදී.