සංගීතය-මයිකල් ජැක්සන් මූලික තොරතුරු

විකිපීඩියා, නිදහස් විශ්වකෝෂය වෙතින්
Jump to navigation Jump to search

උපන් නම මයිකල් ජෝසප් ජැක්සන් උපන් ස්ථානය 1958 අගෝස්තු 29 ශෛලීන් ගැරී ඉන්දියානා එක්සත් ජනපදය ආර් ඇන්ඞ් බී සෝල්-පොප් ඩාන්ස්- පොප් ඩිස්කෝ , රොක් ,අර්බන් ,ෆන්ක් ,මෝටවුන් වෘත්තීන් ගායක , ගීත රචක , සංගීත නිශ්පාදක , නර්තන ශිල්පී , නර්තන නිර්මාපක , නළු සංගීත භාණ්ඩ කටහඩ , ඩ‍්‍රම් , බහුවිධ භාණ්ඩ ක‍්‍රියාකාරී වර්ෂ 1967– 2009 සමාගම් මෝටවුන් , එපික් , සෝනි , ද මයිකල් ජැක්සන් කම්පනි ඉනකෝපරේටඞ් සහාය වූ අංග ද ජැක්සන් 5 (ජැක්සන්ස්) , ජෙනට් ජැක්සන , ක්වින්සි ජෝන්ස් , ටෙඞී රෙයිලි , 3ටී ආභාෂයෝ MichaelJackson.com මයිකල් ජෝසප් ජැක්සන් (උපත 1958 අගෝස්තු 29) බොහෝ අවස්තාවල පොප් රජු ලෙස හඳුන්වනු ලැබූ අමෙරිකානු සංගීතවේදියෙකි. ජැක්සන් පවුලේ හත්වැන්නා වූ ඔහු වයස එකොළහේ දී මුල්වරට සිය වෘත්තීය ජීවිතය ජැක්සන් 5 සංගීත කණ්ඩායමත් සමග ඇරඹී ය. 1968 දී මෝටවුන් රෙකෝර්ඞ්ස් සමග ගිවිසුම් ගත වූ පසු ජැක්සන් 5 සිය පළමු ගීත හතරම බිල්බෝඞ් හොට් 100 හි අංක 1 බවට පත්කරලීමෙන් වාර්තාවක් තැබී ය. 1976 දී සී බී එස් රෙකෝර්ඞ්ස් සමග නව ගිවිසුමක් ඇතිකරගත් එම පිරිස කණ්ඩායමේ නම ද ජැක්සන්ස් ලෙස වෙනස් කළෝ ය. 1984 දී මයිකල් ජැක්සන් කණ්ඩායමෙන් වෙන්විය. 1972 දී තනි ගායකයෙක් ලෙස පිවිසි ඔහු ඉන්පසු වසර වලදී පොප් සංකේතයක් බවට පත්විය. ඔහුගේ ඇල්බම වලින් පහක් එනම් ඕෆ් ද වෝල් (1979 ත‍්‍රිලර් (1982) , බෑඞ් (1987) , ඬේන්ජරස් (1991) හා හිස්ටරි (1995) ලොව වැඩිම අලෙවියක් ලද ඇල්බම් අතරට එක් විය. 1997 ඔහුගේ හිස්ටරි ලෝක සංචාරය හා බ්ලඞ් ඔන් ද ඩාන්ස් ෆ්ලෝර් ඇල්බමය සමග ඔහුගේ වෘත්තීය ගමන අඩාල වන්නට විය. එවක් පටන් ඔහු නිකුත් කළේ එක් ගීත ඇල්බමයක් (2001 දී නිකුත් වූ ඉන්වින්සිබල්) පමණක් වන අතර කිසිදු සංචාරයක් නොපැවැත්වී ය. ඔහුගේ සාර්ථක වෘත්තීය ජීවිතයත් ආන්දෝලනාත්මක හා අත්භූතජනක පෞද්ගලික ජීවිතයත් දශක හතරකටත් වඩා පොප් සංස්කෘතියේ කොටසක් ව පැවතුණි.

1970 දශකයේ අග භාගයේ දී ජැක්සන් ජනප‍්‍රිය සංගීතයේ ප‍්‍රමුඛ ස්ථානයකට පැමිණුනි. ඔහු සංකීර්ණ කතා වස්තූන් , නර්තන ක‍්‍රම , විශේෂ උපක‍්‍රම හා ජනප‍්‍රිය පුද්ගලයන් ගේ සුළු ඉදිරිපත් කිරීම් හරහා මියුසික් වීඩියෝ යන්න කලා හා ප‍්‍රචාරක මාධ්‍යයක් බවට පත් කළේ ය. ඔහුගේ බීට් ඉට් හා බිලී ජීන් වැනි ගීත වල ජනප‍්‍රියත්වය එම් ටී වී වැනි එවකට ලාබාල රූපවාහිනී චැනලයක් ඉහලටම ඔසවා තැබීමට සමත් විය. ඔහුගේ බ්ලැක් ඔර් වයිට් හා ස්ක‍්‍රීම් වැනි ගීත මයිකල් ජැක්සන් ව 1990 දශකය පුරා එම නාලිකාව ට අලවා තැබී ය. ජැක්සන් ශාරීරිකව සංකීර්ණ වූ රොබොට් හා මූන් වෝක් වැනි නර්තන ක‍්‍රමවේද ජනප‍්‍රිය කරලීය. එමෙන් ම ඔහු හිප් හොප් , පොප් සහ ආර් ඇන්ඞ් බී ආභාෂයෙන් සුවිශේෂී සංගීත හා ගායන රටාවක් ගොඩනගා ගත්තේ ය.

එදා මෙදා තුර සාර්ථකම විනෝදාස්වාදය සපයන්නා හා වැඩිම අලෙවියක් ලද ඇල්බමය (ත‍්‍රිලර්) ඇතුලූ ගිනස් වාර්තා අටකට ජැක්සන් හිමිකම් කියයි. ඔහු ග‍්‍රැමි සම්මාන 13 ක් ලැබූ අතර ඉන් අටක් ම ලැබුවේ 1984 ග‍්‍රැමී උළෙලේ දී ය. ඔහු තනි ගායකයෙකු ලෙස අංක එක ස්ථාන 13 ක් හිමිකර ගත් අතර එය බිල් බෝඞ් හොට් 100 යුගයේ අන් සියළු ගායකයන් අභිබවා යාමකි. 2006 නොවැම්බර් මස වර්ල්ඞ් මියුසික් අවෝර්ඞ්ස් ප‍්‍රකාශ කළේ මයිකල් ජැක්සන් ඇල්බම් මිලියන 750 ක් අලෙවි කර ඇති බවයි.

ජැක්සන් ගේ පෞද්ගලික ජීවිතය විශාල ලෙස ආන්දෝලනාත්මක විය. ඩොලර් මිලියන සිය ගණනක් ආධාර කටයුතු සඳහා ලබා දුන්න ද ඔහුගේ වෙනස්වන බාහිර පෙනුම හා ක‍්‍රියා මහජනතාව අතර ඔහුගේ ජනප‍්‍රියත්වය හීන කිරීමට සමත් වූ අතර 1990 දශකයේ මැද භාගයේ සිට ඔහුගේ ඇල්බම අලෙවිය පහත වැටුණි. 1998 සිට 2005 දක්වා ඔහු ජීවත් වූ නෙවර්ලන්ඞ් රැන්ච් හි ඔහු ආබාධිත සහ රෝගී දරුවන් වෙනුවෙන් පෞද්ගලික සත්වෝද්‍යානයක් ද ඇතුලත් විනෝද උයනක් ඉදි කළේ ය. ඒ පිළිබඳ වූ කටකතා සහ ජනමාධ්‍ය අවධානය ඔහුගේ නිදන ඇඳේ සහ නිදන කාමරයේ බිම කුඩා ළමුන් නිදාගත් බව හෙළි කරලීය. මෙය මුල් වරට අනාවරණය වූයේ 1993 දී ඔහු ළමා ලිංගික අපචාර චොදනා වලට ලක්වූ විට ය. කුඩා ළමුන් සමග ජැක්සන්ගේ සබඳතා නැවතත් කතා බහට ලක්වූයේ 2003 දි ලිවින් විත් මයිකල් ජැක්සන් නම් වූ රූපවාහිනී වාර්තා වැඩසටහන ප‍්‍රචාරය වීමත් සමග ය. මෙය මයිකල් ජැක්සන් ට විරුද්ධ ව 2005 දී ළමා අපචාර සහ වෙනත් චෝදනා කිහිපයක් අරභයා නඩු විභාගයක් පැවැත්වීමට උත්ප්‍රේරක වූ අතර පසුව ඔහු ඉන් නිදොස් වි ය. නඩු විභාගයෙන් පසු ජැක්සන් අයර්ලන්ඞ් හි සිය නව සංගීතවේදය අරභයා කටයුතු කිරීමට ප‍්‍රථම බහරේන් ඇතුළු රටවල් කිහිපයක ම සංචාරය කළේ ය. දශකයකටත් වැඩි කාලයක් පැවති මූල්‍ය හා නෛතික අර්බුද ඔහුගේ ප‍්‍රතිරූපය තවත් පළුදු කිරීමට සමත් විය. මෙම සියළු අර්බුද මධ්‍යයේ 2008 මුල් භාගයේ ජැක්සන් ත‍්‍රිලර් 25 නිකුත් කළ අතර එය සති දහයක් ඇතුලත ලොව පුරා පිටපත් මිලියන 1.7 අළෙවි විය.

ආශ්‍රිත[සංස්කරණය]