බ්ලැක් අයිවරි කෝපි

විකිපීඩියා වෙතින්
Jump to navigation Jump to search
බ්ලැක් අයිවරි කෝපි ඇට.
බ්ලැක් අයිවරි කෝපි වීදුරුවක්.

බ්ලැක් අයිවරි කෝපි යනු, උතුරු තායිලන්තයෙහි පිහිටි සීමාසහිත බ්ලැක් අයිවරි කොෆි සමාගම විසින් නිෂ්පාදනය කෙරෙන කෝපි වර්ගයක් වන අතර ඒවා නිෂ්පාදනය කෙරෙන්නේ ඇතුන් විසින් ආහාරයට ගන්නා ලද ඇරාබිකා කෝපි ඇට උන්ගේ මළ සමග පහ කෙරුණු පසු ඒවා වෙතිනි. [1] [2] කෝපි වල ප්‍රෝටීන බිඳ දමන ඇතුන්ගේ ජීරණ එන්සයිම හේතුවෙන් බ්ලැක් අයිවරි කෝපි වල රසය වෙත බලපෑම් ඇති කෙරෙයි.[2]

සුලබතාවය[සංස්කරණය]

කිලෝග්‍රෑමයක මිල US$2,000 ක් පමණ වන [3] බ්ලැක් අයිවරි කෝපි, ලොව වඩාත්ම මිල අධික කෝපි අතර වෙයි. [2] සුඛෝපභෝගී හෝටල කිහිපයක පමණක්, කෝප්පයක් US$50 ක මිලකට සහ අන්තර්ජාල වෙබ් අඩවිය ඔස්සේ පමණක් උපයෝජ්‍ය මෙම කෝපි වර්ගය සීමිත සුලබතාවයක් සහිත වෙයි. [4] සෑම වසරකම සාමාන්‍යයෙන් කිලෝග්‍රෑම් 150 පමණ ප්‍රමාණයක් කෝපි නිෂ්පාදනය කෙරෙයි. [5] බ්ලැක් අයිවරි කෝපි සැපයුම රඳා පවතින්නේ කෝපි ගෙඩි වල සුලබතාවය, ඇතුන්ගේ ආහාර රුචිකත්වය, ඇට සැපීම නිසා විනාශ වන ඇට ප්‍රමාණය, එසේ විනාශ නොවුනු ඇට එකතු කර ගැනීමට ඇත්ගොව්වන්ගේ සහ ඔවුන්ගේ බිරින්දෑවරුන්ගේ හැකියාව යන කරුණු මතය. නිෂ්පාදිතයෙහි ඉහළ මිලට විශාල වශයෙන් හේතුකාරක වී ඇත්තේ අවසන් නිෂ්පාදිතය නිපැයීමට කෝපි ගෙඩි විශාල ප්‍රමාණයක් අවශ්‍ය වීම වෙයි: [4] නොසැකසුනු කෝපි ගෙඩි කිලෝග්‍රෑම් 33 (රාත්තල් 72) වෙතින් අවසන් නිෂ්පාදිතය ලෙසින් කිලෝග්‍රෑම් එකක් (රාත්තල් දෙකක්) නිපැයෙයි.[4] ඇට වලින් බොහෝ ප්‍රමාණයක් එකතු කර ගැනීමට නොහැකි වන්නේ, ඇතුන් විසින් ඒවා සැපීම, ඒවා කැබලි වලට වෙන් වීම, හෝ මළ සමග පහ කෙරුණු පසුව කැලයෙහිදී අස්ථානගත වීමයි.[4]

ගෝල්ඩන් ට්‍රෑන්ගල් ආසියානු ඇත් පදනම[සංස්කරණය]

සීමාසහිත බ්ලැක් අයිවරි කෝපි සමාගම විසින් මෙම කෝපි වර්ගය මුලින්ම නිෂ්පාදනය කෙරුණේ මුදවාගන්නා ඇතුන් හට උවටැන් සපයන චියං සේන් ප්‍රදේශයෙහි පිහිටි ඇත් අනාථාගාරයක් වූ ගෝල්ඩන් ට්‍රෑන්ගල් ආසියානු ඇත් පදනම තුලය.[4] වර්තමානයෙහි, බ්ලැක් අයිවරි සමාගම විසින් ගෝල්ඩන් ට්‍රෑන්ගල් තුල නිෂ්පාදනය සිදු නොකරන අතර ඒ වෙනුවට ඊසාන දිග තායිලන්තයෙහි සුරින් පළාතෙහි සිදු කෙරෙයි. [6] දළ වශයෙන් ඇතුන් 20 දෙනා පදනම තුල කෝපි නිෂ්පාදනයට දායක වෙති. බ්ලැක් අයිවරි කෝපි සමාගමෙහි විකුණුම් ආදායමෙන් සියයට අටක ප්‍රමාණයක් ගෝල්ඩන් ට්‍රෑන්ගල් ආසියානු ඇත් පදනම වෙත පරිත්‍යාග කෙරෙනුයේ ඇතුන්ගේ සෞඛ්‍යමය උවටැන් සඳහා භාවිතා කිරීමටය. [4] කෝපි ගෙඩි ආහාරයට ගැනීම නිසා ඇතුන්ට අහිතකර බලපෑම් ඇති නොවන අතර, පශු වෛද්‍ය පරික්ෂණ තුලින් තහවුරු වී ඇත්තේ උන් පරිභෝජනය කරන කෝපි ගෙඩි වෙතින් කැෆේන් අවශෝෂණය කර නොගන්නා බවයි.[4]

මතභේදය[සංස්කරණය]

සංචාරක වෙළෙඳ අපචාරය වෙතින් ඇතුන් මුදවා ගැනීම සිදු කරන බවට සමාගම කියාසිටියද,[7] ආරක්ෂිත උද්‍යාන හෝ මිනිසුන් සහ ඇතුන් අතර වඩාත් හිතකර සම්බන්ධතාවයක් ප්‍රවර්ධනය කිරීම වැනි වඩාත් තිරසාර විකල්පයක් අනුගමනය කිරීමට වඩා බ්ලැක් අයිවරි කෝපි නිෂ්පාදනය ඇතුන්ට සුදුසුද යන්න තවමත් මතභේදයට පාත්‍රවී ඇත.

සමස්තයක් වශයෙන් ගත් කල, කොපී ලුවක් හා සබැඳි තරම් අපචාරයක් වෙතින් ඇතුන් ගැහැට නොවිඳියද,[8] අතිශයින් උසස් මට්ටමක කෝපි නිෂ්පාදනය සඳහා සතුන් භාවිතා කොට ආසවකරණය ආවශ්‍යයික නොවන පසුබිමෙක සහ මෙම ආසවකරණය වෙතින් කෝපි ඇට වල ඇරොමැටික පැතිකඩ වෙත හානි පැමිණවිය හැකි බවට විශේෂඥයින් කිහිප දෙනෙකු විසින් අදහස් පල කර තිබියදී, ඇතුන් බන්ධන ගත කොට තබා ගැනුම යුක්තිමත් යැයි සාධාරණකරණය කල හැකි දැයි යන්න සමාපනය කිරීම අතිශයින් දුෂ්කර වෙයි. [9]

මෙයද බලන්න[සංස්කරණය]


ආශ්‍රිත[සංස්කරණය]

  1. "අබවුට් බ්ලැක් අයිවරි කොෆි". බ්ලැක් අයිවරි කොෆි. Archived from the original on 4 ජනවාරි 2018. Retrieved 16 අගෝස්තු 2016.
  2. 2.0 2.1 2.2 ගෙකර්, ජොසලින් (9 දෙසැම්බර් 2012). "එලිෆන්ට් ඩං කොෆි: ඇන් එක්සොටික්, එක්ස්පෙන්සිව් බෘ". Sci-Tech Today. Archived from the original on 1 පෙබරවාරි 2013. Retrieved 10 Dec 2012.
  3. කොෆි, බ්ලැක් අයිවරි. "1 කිලෝග්‍රෑම් ඔෆ් බ්ලැක් අයිවරි කොෆි ඔෆ් (පැකේජ් ඔෆ් 29)". බ්ලැක් අයිවරි කොෆි (in ඉංග්‍රීසි). Retrieved 2020-08-06.
  4. 4.0 4.1 4.2 4.3 4.4 4.5 4.6 "කො‌ෆි ෆ්‍රොම් ඇන් එලිෆන්ට්ස් ගට් ෆිල්ස් අ $50 කප්". යූඑස්ඒ ටුඩේ. එසෝසියේටඩ් ප්‍රෙස්. 7 දෙසැම්බර් 2012. Retrieved 6 Jan 2013.
  5. කොෆි, බ්ලැක් අයිවරි. "බ්ලැක් අයිවරි කොෆි: ද වර්ල්ඩ්ස් රෙයාරස්ට් ඇන්ඩ් මෝස්ට් එක්ස්පෙන්සිව් කොෆි". බ්ලැක් අයිවරි කොෆි (in ඉංග්‍රීසි). Retrieved 2020-08-06.
  6. ලිමිටඩ්, බැංකොක් පෝස්ට් පබ්ලික් කම්පනි. "ද නිව් බ්ලැක් ගෝල්ඩ්". bangkokpost.com. Retrieved 2020-08-06.
  7. "තායිලන්ඩ්ස් බ්ලැක් අයිවරි බෘ ඊස් අ කොෆි විත් අ කොන්ෂන්ස්". ද නැෂනල් (in ඉංග්‍රීසි). Retrieved 2020-12-11.
  8. බලේ, රේෂල් (2016-04-26). "ද ඩිස්ටර්බිං සික්‍රට් බිහයින්ඩ් ද වර්ල්ඩ්ස් මෝස්ට් එක්ස්පෙන්සිව් කොෆි". නැෂනල් ජියෝග්‍රෆික්. https://www.nationalgeographic.com/news/2016/04/160429-kopi-luwak-captive-civet-coffee-Indonesia/. 
  9. වැලේරියෝ, යිකර් (2020-11-11). "විච් ඊස් ද මෝස්ට් එක්ස්පෙන්සිව් කොෆි ඉන් ද වර්ල්ඩ්?". බොං විවං කෆ්ෆෙ. Retrieved 2020-12-10.{{cite web}}: CS1 maint: url-status (link)
"https://si.wikipedia.org/w/index.php?title=බ්ලැක්_අයිවරි_කෝපි&oldid=482327" වෙතින් සම්ප්‍රවේශනය කෙරිණි