ජයමංගල ගාථා වල අර්ථය
දාහක් තරම් අවිවලින් -දිලි අත් මවාලා
ගිරිමේඛලා ඇත් රජුන් -ගොර මාර සෙන් හා
දැන් ආදි පාරමී බෙලෙන් -දිනු වීරයාණෝ
ඒ ආනුභාව බලයෙන් -සුවසෙත් සදෙත්වා
මරුවෙක් තරම් දෙවැනි වූ -මුළු රූ සටන් පත්
ආලවක යයි පතල වූ -රුදු යක්ෂයා ඒ
ඉවසුම් බෙලෙන් දිනු තිලෝ -ගුරු වීරයාණෝ
ඒ ආනුභාව බලයෙන් -සුවසෙත් සදෙත්වා
ලැව් ගින්න මෙන් දරුණු වූ -හෙන සේ බිරුම් වූ
නාලගිරියි ඇත් රජුන් -මත් වූ සුරායෙන්
මෙත් නම් මහා ජල කදින් -නිවු වීරයාණෝ
ඒ ආනුභාව බලයෙන් -සුවසෙත් සදෙත්වා
යම් පින්වතෙක් දිනපතා -මැලිකම් නොදක්වා
සැදැහෙන් මනා ජයමගුල් -ගාථා කියා නම්
දුරුවී නොයෙක් උවදුරින් -සැපතින් පිරී ගොස්
ඒ මේ සදාතනික වූ -සුවයත් ලබාමැයි