කොමියස්
කොමියස් යනු, මුලින්ම ගෝල් දේශයෙහිද, ඉන්පසුව බ්රිතාන්යයෙහිද, ඇට්රබේට්ස් නම් බෙල්ජීය ජාතිය ක්රිපූ පළමුවන සියවසෙහිදී පාලනය කල ඓතිහාසික රජෙකු විය.
,
සීසර්ගේ මිත්ර පාක්ෂිකයා[සංස්කරණය]
ක්රිපූ 57දී, ජුලියස් සීසර් විසින් ඇට්රබේට්ස් යටත්කරගැනුමෙන් පසුව, [1] ඔහුගේ කොමෙන්ටාරි ඩි බෙල්ලො ගාලිකෝ ප්රකාර, ඔහු විසින් ගෝත්රයෙහි රජු ලෙසින් කොමියස් පත් කෙරිණි. ක්රිපූ 55 දී බ්රිතාන්යය වෙත සීසර්ගේ පළමු ගවේෂණයට පෙර, සීසර්ට ප්රතිරෝධ සටන් නොකරන ලෙසට බ්රිටන්වරුන් කැමැති කරවා ගැනීමට සීසර්ගේ රාජ්යතාන්ත්රික තානාපතියෙකු ලෙසින් කොමියස් යැවුනේ, දිවයිනෙහි කිසියම් අධිකාරියක් තමන් වෙත ඇති බව සීසර් විශ්වාස කල හෙයිනි. [2] කෙසේවෙතත්, ඔහු සපැමිණි විගසින් අත්අඩංගුවට ගැනිණි. සීසර් ගොඩබැසීම වලක්වා ගැනුමට බ්රිටන්වරු අපොහොසත්වූ විට, ගනුදෙනු කතිකාවන්හී කොටසක් ලෙසින් කොමියස් බාර දෙන ලදි. [3] තවදුරටත් පැමිණි බ්රිතාන්ය ප්රහාර පරාජය කිරීමට, සහාය වනු ලෙස තම ගෝත්රයෙන් කුඩා අශ්වාරෝහක සෙබල කණ්ඩායමක් සැපයීමට කොමියස්හට හැකි විය. [4] බ්රිතාන්යය වෙත සීසර්ගේ දෙවන ගවේෂණය තුලදී, කොමියස් විසින්, බ්රිතාන්ය නායක කැසිවලෝනස්ගේ යටත්වීම පිළිබඳ කතිකාකොට මන්ත්රණය කරන ලදි.[5]