වැලිවිට සරණංකර හිමි

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න

මහනුවර යුගයේ දී සංස්කෘතික , ආගමික පුනර්ජීවනයට දායක වූ වැලිවිට සංඝරාජ හිමියන් වහන්සේ උපත ලද්දේ දෙවන විමලධර්ම සූරිය රජු සමයේ 1698.06.18 දිනදීය. මහනුවර දිස්ත්‍රික්කයේ තුම්පනේ ප්‍රදේශයේ වැලිවිට ග්‍රාමයෙහි උන් වහන්සේ උපත ලැබීය. කුඩා කාලයේ "කුලතුංග" යන පෙලපත් නාමයෙන් හැඳින්වූ මෙතුමන් ගේ පියා කුලවත් සිංහල මුදලිවරයෙකු විය.

Saranangkara Sanggharaja thero statue.jpg

අධ්‍යාපනය[සංස්කරණය]

එරමුදුලියද්ද නම් ගමෙහි විසූ උගත් ප්‍රභූවරයෙකුගෙන් අකුර උගත් මොහු සූරියගොඩ නම් විහාරස්ථානයේදී පැවිදි බව ලබා එම විහාරයේ දී මෙන්ම ලෙව්කේ නම් ප්‍රදේශයේ විසූ උගත් ප්‍රභූවරයෙකුගෙන් ද අධ්‍යාපනය ලැබූ සේක. පැවිදි වූ උන් වහන්සේ "සරණංකර" යන නමින් හැඳින්වීය.

සාමනේරයන් වහන්සේ ලෙස[සංස්කරණය]

මහනුවර යුගයේ එවකට බුදු සසුන පිරිහෙමින් පැවති පසුබිමක් තුල සාමණේර කාලයේ පටන්ම පිඩු සිඟාගොස් යැපුනු නිසා "පිණ්ඩපාතික" යන ගෞරවනාමයෙන් හැඳින්වීය. කල්ගතවන විට තවත් සිල්වත් හිමිවරුන්ගේ සහය ඇතිව තවත් දරුවන් ද පැවිදි කරගනිමින් සිල්වත් භික්ෂූන් ලෙස කටයතු කරන ලදි. මෙකල රජකල ශ්‍රී වීර පරාක්‍රම නරේන්ද්‍රසිංහ රජු රාජ සභාවට පැමිණි බමුණු පණ්ඩිතයෙකු හා සාකච්ඡා කිරීමට සුදුසු භික්ෂුව ලෙස සරණංකර හිමියන්ව තොරාගත්තේ දුසිල් මහනුන් ගේ කීම පසෙක හෙලාය. එම සාකච්ඡාව අසා රජු ද සරණංකර හිමියන් කෙරෙහි සතුටට පත්විය.ඉන් අනතුරුව බලයට පත් පළමු නායක්කාර් වංශික රජතුමා වන ශ්‍රී විජය රාජසිංහ රජතුමා සරණංකර හිමියන් ගේ ශිෂ්‍යයෙකු ලෙස කටයුතු කලේය. එතුමා බුදු දහම වැළඳ ගත්තේය. මෙකල දී රජතුමන්ගේ අධාරයෙන් බුරුමයෙන් (මියන්මාරය) හා සියමයෙන් (තායිලන්තය) උපසම්පදා සහිත භික්ෂූන් වහන්සේ ගෙන්වා ගැනීමට උත්සාහ කලද සරණංකර හිමියන්ගේ එම උත්සාහය සාර්ථක නොවීය.

උපසම්පදාව ලබා[සංස්කරණය]

අනතුරුව කීර්ති ශ්‍රී රාජසිංහ රජු සමයේදී වසර 1752 දී පමණ සියමයෙන් ලන්දේසීන්ගේ නැවකින් උපාලි ප්‍රමුඛ විස්සක් භික්ෂූන් වහන්සේ වැඩමවාලා සරණංකර හිමියන් ප්‍රධාන බොහෝ භික්ෂූන් උපසම්පදා ලබා ගත්සේක.

සංඝරාජ පදවිය ලැබීම[සංස්කරණය]

උපසම්පදා වීමෙන් පසුව සරණංකර හිමියෝ වැලිවිට පිණ්ඩපාතික අසරණ සරණ සරණංකර සංඝරාජ හිමියන් ලෙස නම් ලැබීය. තවද "උපාලි කතිකාවත" නම් අද දක්වාම ක්‍රියාත්මක වන්නා වූ ප්‍රතිපත්ති ග්‍රන්ථය ද සකස් කරවා මෙරට සාසනය ‍රැකගැනීමට කටයුතු කල සේක. මහනුවර විහාර තිබූ ගැටලු සමනය කොට භික්ෂු ශිෂ්‍යයන් පුහුණු කරමින්ද සියම් නිකාය ඇරඹීම ද දළදා පෙරහැරට නව අංග එක් කිරීමද බෞද්ධ ග්‍රන්ථ රචනය ද වෙහෙර විහාර ප්‍රතිසංස්කරණය කිරීමට කටයුතු කිරීම ද සංඝරාජ හිමියන්ගේ තවත් සේවා වේ.

අපවත්වීම[සංස්කරණය]

වසර 1778 ඇසල පුර පසලොස්වක පොහෝ දින දී වැලිවිට පිණ්ඩපාතික අසරණ සරණ සරණංකර සංඝරාජ හිමියන් හිමියන් අපවත්වූ සේක.

රචිත ග්‍රන්ථ[සංස්කරණය]

මහා බෝධි සන්නය , රාජ මාලාව , සරාර්ථ සංග්‍රහය , අභිසම්බෝධි අලංකාරය

"http://si.wikipedia.org/w/index.php?title=වැලිවිට_සරණංකර_හිමි&oldid=269629" වෙතින් සම්ප්‍රවේශනය කෙරිණි