ජැක්සන් ඇන්තනී
ජැක්සන් ඇන්තනී Jackson Anthony | |
---|---|
උපත | කොන්ගානිගේ ජෝසප් මල්සි ජැක්සන් ඇන්තනි ජූලි 8, 1958 |
වෙනත් නම් | සකල කලා සක්විති පනාපුත්ර කුහුබුපැණියා |
අධ්යාපනය | කොළඹ විශ්වවිද්යාලය |
රැකියාව | අධ්යක්ෂක, චිත්රපට නිෂ්පාදක, නළුවා, ඉතිහාසඥයා |
සක්රීය වසර | 1987–2023 |
කලත්රයා(යන්) | කුමාරි සඳලතා මුණසිංහ |
දරුවන් | මාධවී වත්සලා අකිල ධනුද්දර සජිත ඇන්තනි |
ඥාතීන් | සේනක ටයිටස් (සහෝදරයා) සුදත් ඇන්තනි (සහෝදරයා) |
සම්මාන | පහත බලන්න |
වෙබ් අඩවිය | jacksonanthony.com |
කොන්ගානිගේ ජෝසප් මල්සි ජැක්සන් ඇන්තනි (උපත 1958 ජූලි 8) හෙවත් සකළ කලා සක්විති ජැක්සන් ඇන්තනී, යනු ශ්රී ලංකා සිටි සිංහල කලාකරුවෙකි. ඔහු සිනමාවේ, වේදිකාවේ සහ රූපවාහිනියේ නළුවෙක් විය. [1] ශ්රී ලංකාවේ ජනප්රියම කලාකරුවෙකු වන ඇන්තනි හොඳම නළුවාට හිමි සම්මානය වාර්තාගත දහසය වතාවක් දිනා ගත්තේය.[2] ප්රධාන වශයෙන් මාධ්ය තුනම අතික්රමණය කල නළුවෙකු වන ඇන්තනී රංගනයට අමතරව අධ්යක්ෂක, නිෂ්පාදක, ගායක, තිර රචක, රූපවාහිනී සත්කාරක, නවකතා රචක, තීරු රචක, ගීත රචක, ඉතිහාසඥ සහ සංචාරක යන අංශ තුලද කැපී පෙනෙන ලක්ෂන පෙන්වා ඇත.[3]
පවුල් පසුබිම[සංස්කරණය]
ඔහු 1958 ජූලි 8 වන දින රාගම පොඩිවීකුඹුර ග්රාමයේ උපත ලැබීය. බොහෝ අය ඔහුව "ජැක්සන්" ලෙස හඳුනාගෙන තිබියදී, ඔහුගේ දෙමාපියන් ඔහුව හැඳින්වූයේ "මල්සි" යනුවෙනි. ඔහු හපුගොඩ කනිෂ්ඨ විද්යාලයෙන් සහ බණ්ඩාරවෙල ශාන්ත මරියා විද්යාලයෙන් මූලික අධ්යාපනය ලබා පසුව ගණේමුල්ල ගලහිටියාව මධ්ය මහා විද්යාලයට ඇතුළත් විය. උසස් අධ්යාපනය සඳහා ඔහු කොළඹ විශ්වවිද්යාලයට ඇතුළත් වූ අතර එහිදී ඔහු ප්රථමයෙන් සිංහල භාෂාව සහ සාහිත්යය පිළිබඳ ගෞරව උපාධියක් ලබා ගත් අතර ශ්රී ජයවර්ධනපුර විශ්වවිද්යාලයේ ජනමාධ්ය පිළිබඳ ශාස්ත්රපති උපාධිය ලබා ගත්තේය.[3]
ඔහුගේ සාර්ථකත්වයේ දැවැන්ත කණුව ලෙස ඔහු නිතර සිහිපත් කරන්නේ තම පියා වන කෝංගනිගේ බෙනඩික්ට් ඇන්තනී සහ ඔහුගේ මව පොඩිවී කුඹුරේ රොලින් පෙරේරාය. ජැක්සන්ගේ මවුපියන් ජීවත් වූයේ ඔහුගේ උපන් ගම වන රාගම පොඩිවීකුඹුරේය. ඔහුගේ සීයා ලංකා විදුලිබල මණ්ඩලයේ ඕවර්සියර්වරයකු ලෙස සේවය කළ පේදුරු ඇන්තනි ය.[4] ඔහු සහෝදරයන් 5 දෙනෙකුගෙන් යුත් පවුලකින් පැවත එන අයෙකි. වැඩිමහල් සහෝදරයා මාධ්ය කිහිපයක මාධ්යවේදියෙකු ලෙස සේවය කල හා චරිතාංග නළුවකු වූ සේනක ටයිටස් ඇන්තනි ය. ඔහුගේ අනෙකුත් සහෝදරයන් වන්නේ සුදත් ඇන්තනි, සමන් ඇන්තනි සහ මොහාන් ඇන්තනි ය. 2017 ඔක්තෝම්බර් 23 වන දින සිංගප්පූරුවේදී ඔහුගේ වැඩිමහල් සොහොයුරා වන සේනක ටයිටස් වකුගඩු හා අක්මාව අකර්මණ්ය වීම හේතුවෙන් මිය ගියේය.[5][6]
ඇන්තනි විවාහ වී සිටියේ කුමාරි මුණසිංහ සමඟ වන අතර ඇය නිළියක් සහ ගායිකාවක් ද වේ. ඔවුන්ට පුතුන් දෙදෙනෙකු සහ දියණියක සිටින අතර පවුල කඩවත ආසන්න ප්රදේශයක පදිංචි ව සිටී. දියණිය මාධවී වත්සලා රූපවාහිනී නිවේදිකාවක්, නිළියක් සහ ගායිකාවක් ලෙස කටයුතු කරයි. වැඩිමහල් පුත් අකිල ධනුද්දර ද රූපවාහිනී නිවේදකයෙක්, නිරූපණ ශිල්පියෙක් සහ නළුවෙකි. ඔහුගේ බාල පුත්, සජිත අනුත්තර ද රූපවාහිනී වැඩසටහන් ඉදිරිපත් කරන්නෙකු, ගායකයෙකු සහ සම්මානලාභී නළුවෙකු වන අතර ඔහු සූරිය අරණ හි දඩයක්කාරයාගේ පුතාගේ චරිතය නිරූපණය කර ඇත. සජිත කැලණිය විශ්වවිද්යාලයේ උපාධිධාරියෙකි. ඔහු තම පියාගේ චිත්රපටයක් වන "අබා" හි ප්රධාන චරිතය ද රඟපා ඇත. දරුවන් තිදෙනාම ඔවුන්ගේ විවාහ උත්සවය 2019 ජනවාරි 18 වන දින සමරනු ලැබීය.[7] මාධවී මීට පෙර 2014 දී ප්රවීණ රංගන ශිල්පී හේමසිරි ලියනගේගේ පුත් වෛද්ය ආලෝක ලියනගේ සමඟ විවාහ වී ඇත. කෙසේ වෙතත් ඔවුන් දික්කසාද වූයේ 2016 වසරේදීය. මාධවී දැනට විවාහ වී සිටින්නේ මිලාන් සමඟයි. අකිල විවාහ වී සිටින්නේ එමී සමඟ වන අතර මෙම යුවළට එක් දරුවෙකු සිටී. සජිත විවාහ වී සිටින්නේ බුවනිකා සමඟයි.
ඔහු කතෝලික නමුත් බෞද්ධ අධ්යයනයට ලැදි අයෙකි. ඔහු ශ්රී ලාංකේය බෞද්ධ ඉතිහාසය පිළිබඳ සාකච්ඡා වැඩසටහනක් බෞද්ධයා නාලිකාවේ පවත්වයි.
වෘත්තීය ජීවිතය[සංස්කරණය]
ඔහු විශ්වවිද්යාල වේදිකාවේ වේදිකා නාට්ය කිහිපයකම රඟපා ඇත. ඉන්පසුව නෙවිල් ඩයස් සුබසිංහගේ ‘‘වාරුවෙන් යන මිනිසුන්’’ සහ ‘‘මානවයෝ’’ මෙන්ම ඊ.එම්.ඞී.උපාලිගේ ‘‘මෙතනින් මාරුවෙනු’’ නාට්යයේත් ඔහු රංගනයෙන් දායක විය. ඉන්පසුව ‘‘මරාසාද්’’, ‘‘මධුර ජවනිකා’’, ‘‘ලෝම හංස’’, ‘‘ධවල බීෂණ’’, ‘‘ඇත්’’, ‘‘මෝරා’’, වැනි ජනප්රිය වේදිකා නාට්ය රැසක ඔහු රඟපෑවේය. 'තාරාවෝ ඉගිලෙති' වේදිකා නාට්යයට සම්බන්ධ වීමෙන් පසු ඔහුට සිනමා ක්ෂේත්රයේ පිළිගැනීමක් ගෙන ආවේය. ජාතික නාට්ය උළෙලේ හොඳම නළුවා වූයේද ඔහුය.[3]
1993 දී ඔහු සිනමා කර්මාන්තයට පැමිණියේය. තම මුල් කාලයේ ගුරු ගෙදර, චිත්ති, අයෝමා සහ ලොකු දුව යන චිත්රපටවල රංගනයෙන් දායක වූ ජැක්සන් පසුව භව දුක, භව කර්ම, ගිනි ඇවිත් සහ ගිනි කෙළි, අස්වැසුම, අග්නි දහය, සූරිය අරණ, මිල්ලේ සොයා සහ රන්දිය දහර වැනි චිත්රපටවලින් තම රංග ප්රතිභාව පෙන්වීමට ඔහුට හැකිවිය. මේ අතර ඔහු රූපවාහිනිය සමඟ ද සම්බනධ විය. නළුවෙකු ලෙස තමාගේම අනන්යතාවය තහවුරු කර ගැනීමට මෙම ක්ෂේත්ර ඔහුට උපකාර විය.[8] ඔහුගේ ජනප්රියම රූපවාහිනි චරිත කිහිපයක් පළිඟු මැණිකේ, ඇල්ල ලග වලව්ව, සුසීමා, වෙද හාමිනේ, කඩුල්ල, අකාල සන්ධ්යා, පිටගම්ගරයෝ යන කතාමාලා හරහා දැකගත හැකිවිය. මෙයින් ඔහු සුමති සම්මාන හොඳම නළුවාට හිමි සම්මානය දිනා ගත්තේ පිටගම්කාරයෝ කතා මාලාවේ ඔහුගේ රංගනය වෙනුවෙනි. තරණය චිත්රපටයේ ඔහු "තංගප්පන්" නම් දුම්රිය මිනිසාගේ චරිතය රඟපාමින් අඳුරු මායාවන් ප්රගුණ කළේය. එමෙන්ම බව දුක චිත්රපටයේ රංගනය වෙනුවෙන් ඔහු පහතරට නැටුම් ඉගෙන ගත්තේ හඳපාන්ගොඩ සේදරමන් ගුරුන්නාන්සේගෙනි. දඩයක්කාරයාගේ සහ වෙඩික්කරුගේ වෙනස ඔහු ඉගෙන ගත්තේ සූරිය අරණ චිත්රපටයේ රඟපාන විටදීය.[3]
1992 දී ඔහු සිය මුල්ම ටෙලි නාට්යය "ඇසළ කළුවර" අධ්යක්ෂණය කළේය. 1990 දී ‘භූමිකා 7’ නමින් නාට්ය උළෙලක ඇන්තනීගේ හොඳම නාට්ය හතක් ඇතුළත් වූ අතර එමඟින් විද්වත් රසිකයින්ට ජැක්සන්ගේ පුළුල් පරාසයක රංග කලාව අත්විඳීමට හැකි විය. පළමුව ඔහු ඇසළ කළුවර ටෙලි නාට්ය අධ්යක්ෂණය කළේය. ඉන්පසුව 2014 වසරේ ඔහු දෙවැනි ටෙලි නාට්ය අධ්යක්ෂණය කළ ‘‘දස්කොන්’’ පසුව දේශීය සම්මාන උළෙල කිහිපයකදීම සම්මාන දිනා ගත්තේය.[9] ඔහුගේ රංගන දිවිය තුළ සරසවි සම්මාන, ජනාධිපති සම්මාන සහ ඕ.සී.අයි.සී සම්මාන වැනි දේශීය සම්මාන උළෙලවලදී ඔහු හොඳම නළුවා සම්මාන 20කට වඩා ලබාගෙන ඇත.[3]
ඔහු ශ්රී ලංකාවේ බ්ලොක්බස්ටර් චිත්රපට කිහිපයක් ද අධ්යක්ෂණය කර ඇත. ඔහුගේ පළමු අධ්යක්ෂණය වන ‘‘ජුලියට්ගේ භූමිකාව’’ විචාරක සම්මාන උළෙලේදී වඩාත් බලාපොරොත්තු සහගත අධ්යක්ෂකවරයාට හිමි සම්මානය ඔහුට හිමි විය. පාරාදීසය ඔහු විසින් අධ්යක්ෂණය කළ තවත් චිත්රපටයක් වූ අතර එය විචාරක පැසසුමට ලක් විය. ඔහුගේ අධ්යක්ෂණය අබා, ශ්රී ලංකාවේ මිල අධික චිත්රපටයක් නිර්මාණය කර ඇති බව කියන චිත්රපටය බොහෝ සිනමා උළෙලවල් වලදී සම්මානයට පාත්ර විය. ඔහු විසින් අධ්යක්ෂණය කරන ලද ඇඩ්රස් නෑ චිත්රපටය වෙනුවෙන් 2015 දෙරණ චිත්රපට සම්මාන උලෙළේ හොඳම නළුවාට හිමි සම්මානය දිනා ගත්තේය. 2017 දී ඔහු තවත් ශ්රී ලාංකික නිළියක් වූ පියුමි හංසමාලි සමඟ අනිල් කුමාර් විසින් අධ්යක්ෂණය කරන ලද ලක්නව් නම් කේරළ සිනමා නිෂ්පාදනයට සම්බන්ධ විය.[10]
වේදිකා නාට්යය[සංස්කරණය]
- බෙර හඬ
- අත්
- ඔත්තුකාරයා
- මෙතනින් මරුවෙනු
- "ලෝමහංස"
- තාරාවෝ ඉගිලෙති
- මධුර ජවනිකා[11]
- මහා සමයම
- ධවල භීෂණ
ගීත[සංස්කරණය]
- ක්ලැරන්ස් විජේවර්ධන සමඟින් = සිතේ සුසුම් නිවන ගයන
- ක්ලැරන්ස් සමඟින් = දස පිය ගත් කල මත
- ක්ලැරන්ස් සමඟින් = "දේවතවන් සිටන දවල්"
- ක්ලැරන්ස් සමඟින් = රෑ තාරකාවෝ
- බිරිඳ කුමාරි මුණසිංහ සමඟින් = ලන්දේ උකුල උඩ
- බණ්ඩාර දෙයියෝ ටෙලි නාට්ය තේමා ගීතය
- පවුලේ සාමාජිකයන් සමඟ = අහස පොළව උහුලනවලු
වෙනත් වෘත්තීන්[සංස්කරණය]
2007 වසරේදී ස්ලිම් නීල්සන් සම්මාන උළෙලේ හොඳම කලාකරුවාට හිමි ජනතා සම්මානය ඇන්තනි හිමිකර ගත්තේය. 2000 දශකයේ මුල් භාගයේ ස්වර්ණවාහිනී නිර්මාණ අධ්යක්ෂක ලෙස කටයුතු කළ අතර හපන් පැදුර නම් ජනප්රිය ළමා සංගීත වැඩසටහනක් නිෂ්පාදනය කළේය. මීට අමතරව මහා සිංහලයේ වංශ කතාව සහ මහා සිංහලයේ යටත් විජිත වංශ කතාව යන ඉතිහාස වැඩසටහන් ස්වර්ණවාහිනිය හරහා වසර කිහිපයක් ඉදිරිපත් කළේය.[12] ඔහු විසින් නිර්මාණය කරන ලද අනෙකුත් ජනප්රිය වැඩසටහන් අතරට අවාරේ සිරිපා, ගඟ දිගේ, රෝම පුරාණය සහ සලං හන්තේ සංචාරක වැඩසටහන් හැදින්විය හැක.[13]
සිනමාවට අමතරව, ඔහු ක්ලැරන්ස් විජේවර්ධන සමඟ සංගීත කටයුතු කළේය. ඔහු ක්ලැරන්ස් සමඟ “සිතේ සුසුම්” සහ “දෙස පියා ගත්කල” නම් අතිශය ජනප්රිය ගීත දෙකක් ගායනා කළේය.
ඇන්තනි සිරස ටීවී ඔස්සේ විකාශය වූ ශ්රී ලංකා ගොට් ටැලන්ට් රියැලිටි වැඩසටහනේ විනිශ්චයකරුවන් තිදෙනාගෙන් කෙනෙකි. 2020 ජනවාරි මාසයේදී ඔහු සිය "කන්ද උඩ ගින්දර" කෘතිය එළිදැක්වීය.[14] 2020 ජූලි 22 වන දින ඔහු කළු ගඟ ඔස්සේ දෙවන සංචාරක වාර්තා වැඩසටහන "කළු ගඟ දිගේ" ආරම්භ කළේය.[15]
ජැක්සන් ඇන්තනී රඟපෑ චිත්රපට[සංස්කරණය]
- ගුරු ගෙදර
- චිට්ටි
- අයෝමා
- වීසි දැල (1994)
- ලොකු දුව (1994)
- භව දුක
- භව කර්ම
- ගිනි අවි සහ ගිනි කෙළි
- අස්වැසුම
- අග්නිදාහය (2002)
- සූරිය අරණ (2004)
- මිල්ලෙ සොයා (2004)
- රන්දිය දහර (2004)
- ගරිල්ලා මාර්කටින් (2005)
- ධීවරී (2006)
- කුරුලු පිහාටු (2006)
- අබා: පණ්ඩුකාභය (2008) - අධ්යක්ෂණය
- ප්රවේගය (2015)
- ඇඩ්රස් නෑ (2015)
- ධර්ම යුද්ධය(2017)
- ඝරසරප
සම්මාන[සංස්කරණය]
"ගම්පහ 80" නාට්ය උළෙල[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1980 | හොඳම නළුවා | දිනාගති | |
1980 | හොඳම පිටපත | දිනාගති | |
1980 | හොඳම නිෂ්පාදනය | දිනාගති |
ජාතික නාට්ය උළෙල[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1983 | මෙතනින් මාරුවෙනු | හොඳම සහය නළුවා | දිනාගති |
1986 | මරාසාද් | හොඳම නළුවා | දිනාගති |
දිවයින සම නාට්ය උළෙල[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1987 | මරාසාද් | හොඳම නළුවා | දිනාගති |
විජය රූපවාහිනී සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1987 | කඩුල්ල | හොඳම නළුවා | දිනාගති |
උන්ඩා සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1991 | කඩුල්ල | හොඳම නළුවා | දිනාගති |
1992 | මහමෙර පාමුල | හොඳම පිටපත | දිනාගති |
1996 | අකාල සන්ධ්යා | රංගනය සඳහා විශිෂ්ටතා සම්මානය | දිනාගති |
සුමති සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1997 | පිටගම්කාරයෝ | හොඳම නළුවා | දිනාගති |
2002 | මහා සිංහලේ වංසකතාව | මාධ්ය සඳහා විශිෂ්ටතා සම්මානය | දිනාගති |
2004 | යෙහෙලි | හොඳම වත්මන් සිදුවීම | දිනාගති |
2008 | ගඟ දිගේ | හොඳම සඟරා වැඩසටහන | දිනාගති |
2008 | අසල්වැසි කතා | මාධ්ය සඳහා විශිෂ්ටතා සම්මානය | දිනාගති |
2016 | දස්කොන් | හොඳම ටෙලිනාට්යය | දිනාගති |
2016 | දස්කොන් | හොඳම ටෙලිනාට්ය අධ්යක්ෂණය | දිනාගති |
2016 | දස්කොන් | හොඳම ටෙලිනාට්ය පිටපත | දිනාගති |
2018 | සී රජ | හොඳම ටෙලිනාට්ය අධ්යක්ෂණය | දිනාගති |
2018 | සී රජ | හොඳම ටෙලිනාට්ය පිටපත | දිනාගති |
ජන මාධ්ය සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
2006 | මහා සිංහලේ වංසකතාව | හොඳම රූපවාහිනී වැඩසටහන | දිනාගති |
2006 | හොඳම රූපවාහිනී ඉදිරිපත් කරන්නා | දිනාගති |
විචාරක සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1995 | පුනරුප්පත්තිය | හොඳම නළුවා | දිනාගති |
1996 | ජුලියට්ගේ භූමිකාව | වඩාත්ම ප්රවර්ධක අධ්යක්ෂ | දිනාගති |
1997 | ගිනි අවි සහ ගිනි කෙලි | හොඳම නළුවා | දිනාගති |
සිග්නීස් ඕ.සී.අයි.සී සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1996 | ලොකු දුව | හොඳම නළුවා | දිනාගති |
1997 | බව කර්ම & බව දුක | හොඳම නළුවා | දිනාගති |
2002 | අග්නිදාහය | කැපී පෙනෙන රංගනය | දිනාගති |
2005 | රන්දිය දහර | කැපී පෙනෙන රංගනය | දිනාගති |
2005 | ගරිල්ලා මාර්කටින් | කැපී පෙනෙන රංගනය | දිනාගති |
සරසවිය සම්මාන උළෙල[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1996 | අයෝමා | කුසලතා සම්මාන | දිනාගති |
1997 | බව දුක | හොඳම නළුවා | දිනාගති |
2004 | රන්දිය දහර | හොඳම නළුවා | දිනාගති |
2005 | මිල්ල සොයා | හොඳම සහය නළුවා | දිනාගති |
ජනාධිපති සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1997 | ජුලියට්ගේ භූමිකාව | විශේෂ ජූරි සම්මාන | දිනාගති |
1997 | බවා දුක | හොඳම නළුවා | දිනාගති |
1998 | ගිනි අවි සහ ගිනි කෙලි | හොඳම නළුවා | දිනාගති |
1998 | අස්වැසුම | හොඳම නළුවා | දිනාගති |
2001 | සූරිය අරණ | හොඳම නළුවා | දිනාගති |
2005 | ගරිල්ලා මාර්කටින් | හොඳම නළුවා | දිනාගති [16] |
හොඳම දහය සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
1997 | අග්නිදාහය | සංස්කෘතික ජයග්රහණය | දිනාගති |
ස්ලීම් නිල්සන් ජනතා සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
2007 | ජනතා ඡන්දය | වසරේ ජනතා කලාකරුවා | සැකිල්ල:දිනුවා |
2007 | අබා | වසරේ ජනතා චිත්රපටය | දිනාගති |
රයිගම් ටෙලීස් සම්මාන[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
2014 | අප්පච්චි | හොඳම නළුවා | දිනාගති |
2015 | දස්කොන් | හොඳම නාට්ය පිටපත | දිනාගති |
2015 | දස්කොන් | හොඳම නාට්ය අධ්යක්ෂණය | දිනාගති |
2015 | දස්කොන් | වසරේ හොඳම ටෙලිනාට්යය | දිනාගති |
ලක්ස් දෙරණ සිනමා සම්මාන උළෙල[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
2016 | ඇඩ්රස් නෑ | හොඳම නළුවා | දිනාගති |
2018 | ධර්මයුද්ධය | හොඳම නළුවා | දිනාගති |
2019 | ජනප්රියම නළුවා | දිනාගති |
හිරු රන් සිනමා සම්මාන උළෙල[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
2016 | මහරජ ගැමුණු | ජූරියේ විශිෂ්ටතා සම්මානය | දිනාගති |
ආසියානු සිනමා උළෙල[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
2019 | විෂම භාග | හොඳම නළුවා | දිනාගති |
ෆොක්ස් ජාත්යන්තර සිනමා උළෙල[සංස්කරණය]
වර්ෂය | නිර්දේශිත පුද්ගලයා/කෘතිය | සම්මානය | ප්රතිඵලය |
---|---|---|---|
2020 | විෂම භාග | හොඳම සහය නළුවා [17] | දිනාගති |
==හදිසි අනතුර, ප්රථිකාර හා මරණය
මූලාශ්ර[සංස්කරණය]
- ↑ සංරක්ෂිත පිටපත, http://life.dailymirror.lk/other/birthday-tracker/1837-jackson-anthony.html, ප්රතිෂ්ඨාපනය 2014-02-14
- ↑ "The story of Jackson Anthony, who won the Best Actor sixteen times". divaina. සම්ප්රවේශය 2021-01-01.
{{cite web}}
:|archive-date=
requires|archive-url=
(help) - ↑ 3.0 3.1 3.2 3.3 3.4 "Jackson Anthony is the best actor in all three media". Sarasaviya. සම්ප්රවේශය 2021-01-01.
{{cite web}}
:|archive-date=
requires|archive-url=
(help) - ↑ "My hero is my father - Jackson Anthony". Hiru FM. සම්ප්රවේශය 2021-01-01.
{{cite web}}
:|archive-date=
requires|archive-url=
(help) - ↑ "Senaka Titus passed away". Sarasaviya. 20 September 2018 දින මුල් පිටපත වෙතින් සංරක්ෂණය කරන ලදී. සම්ප්රවේශය 3 November 2017.
- ↑ "Veteran artiste Senaka Titus passes away". ITN News. සම්ප්රවේශය 3 November 2017.
- ↑ "Jackson children wedded on same day". Sarasaviya. සම්ප්රවේශය 18 January 2019.
- ↑ ""He is better than others"". Sarasaviya. සම්ප්රවේශය 2021-01-01.
{{cite web}}
:|archive-date=
requires|archive-url=
(help) - ↑ "I practiced multitasking from an early age". Sarasaviya. සම්ප්රවේශය 2021-01-01.
{{cite web}}
:|archive-date=
requires|archive-url=
(help) - ↑ "Jackson Anthony to make a Kerala film ..!". fastnews. සම්ප්රවේශය 2021-01-01.
{{cite web}}
:|archive-date=
requires|archive-url=
(help) - ↑ "Sinhala musical play at Wendt9". Sunday Times. සම්ප්රවේශය 6 September 2018.
- ↑ "Jackson Anthony's historical voyage". Sarasaviya. 6 November 2017 දින මුල් පිටපත වෙතින් සංරක්ෂණය කරන ලදී. සම්ප්රවේශය 17 November 2017.
- ↑ "මව්බිමේ හදවත සොයා ගිය ගමන ගඟ දිගේ අවුරුදු 15කට පසු". Sarasaviya. සම්ප්රවේශය 3 May 2020.
- ↑ "Jackson steps on "Kanda Uda Gindara"". lankadeepa. සම්ප්රවේශය 2021-01-01.
{{cite web}}
:|archive-date=
requires|archive-url=
(help) - ↑ "Fifteen years later Jackson walks down the hip-wide river". Divaina. සම්ප්රවේශය 31 August 2020.
- ↑ "President honours Lankan Cinema". Sunday Times. සම්ප්රවේශය 10 December 2019.
- ↑ "Jackson wins international award for Vishama Bhaga". Sarasaviya. සම්ප්රවේශය 30 January 2020.