උප්පලවණ්ණා රහත් තෙරණිය

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න

උප්පලවණ්ණා බුදුන් වහන්සේගේ අග්‍ර ශ්‍රාවිකාවන්ගෙන් එක් තැනැත්තියකි. අනෙක් අග්‍ර ශ්‍රාවිකාව වූයේ ඛේමා මෙහෙණියයි.

ඇය ඉතා ධනවත් වෙළෙන්දෙකුගේ දියණියක් වූවාය. ඇයගේ මනා රූ සපුව නිසා ඇය බෙහෙවින් ප්‍රසිද්ධියට පත් වී සිටියාය. "නිල් මහනෙල් පැහැය ඇත්තී" යනු ඇයගේ නමේ අරුතයි.

පවුල් ජිවිතය සහ පැවිදි බවට පත්වීම[සංස්කරණය]

ඇය ගත කළේ ඉතා කටුක පවුල් දිවියකි. ඇය නිවසින් පන්නා දමනු ලැබ දුගී ජීවිතයක් ගත කළාය. ඉන් මිදෙනු පිණිස විවාහ කීපයක් කර ගත්තාය. අවසානයේ ඇයට ඇයගේ දියණිය හමු විය. (ඇය මියගොස් ඇතැයි සිතූ ඇගේ දෙවැනි විවාහයේ දියණියයි) ඒ වන විට ඇය උප්පලවණ්ණා ගේ අවසාන ස්වාමි පුරුෂයා සමග විවාහ වී සිටියාය. තමනුත් තම දියණියත් එකම ස්වාමි පුරුෂයෙකු සමග ජිවත් වනවාය යන සිතිවිල්ලෙන් ඇය පීඩාවට පත් වී සහනය සොයා බුදු හිමියන් වෙන පැමිණ පසුව මෙහෙණියක් වූවාය.

මෙහෙණියක ලෙස ජීවිතය[සංස්කරණය]

ඇය භික්ෂුණින් අතර සෘද්ධිමය බලයෙන් අග තැන්පත් තැනැත්තිය ලෙස බුදුන් වහන්සේ ප්‍රකාශ කර ඇත.

සංයුක්ත නිකාය උප්පලවණ්ණා සූත්‍රය වෙන් කර ඇත්තේ ඇය වෙනුවෙනි.

උප්පලවණ්ණා තෙරණිය "මේ මාරයා" යයි වටහා ගෙන ඔහුට ගීතයෙන් පිළිතුරු දුන් ආකාරයයි.

   
ඔබ වැනි තවත් හොරුන්
දස දහසක් පැමිණිය හැකිය.
මගේ එක කෙස් ගසකුදු නොසැලේ බියක් නොදැනේ.
මා තනියම වුවද ඔබට බිය නොවෙමි. මාරය!
මට නොපෙනී යාමටද නුඹේ කුස තුළට යාමටද හැකිය.
මට නුඹේ දෙනෙත අතර රැඳිය හැකිය.
එසේ වුවද නුඹට මගේ ඡායා මාත්‍රයක් දැක ගත නොහැක.
මම මගේ මනස මෙහෙයවන්නා වෙමි.
ශක්තියේ පදනම් හොඳින් වර්ධනය වී ඇත.
මම සියලු බැඳීම්වලින් නිදහස් වී ඇත.
එබැවින් මම නුඹට බිය නොවෙමි.

"උප්පලවණ්ණා තෙරණිය මා ගැන දන්නීය" මාරයා එසේ කියමින් බලාපොරොත්තු කඩ වී එතැන්හිදීම අතුරුදන් විය.

"http://si.wikipedia.org/w/index.php?title=උප්පලවණ්ණා_රහත්_තෙරණිය&oldid=249699" වෙතින් සම්ප්‍රවේශනය කෙරිණි